Ŋikiru. 99:3 - Ebaibul

³ Emaikina ŋituŋa kipuro ekiro kon ŋolo apolon nooi ŋolo ailiilon. Erae iŋes ŋolo Eseg!

Ŋikiru. 99:3 Iomraidhean Croise

Neem. 1:5

Abu ayoŋ otema anakilip kaŋ, “Okoe Ekapolon, Akuj ŋina anakuj, Akuj ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa aŋuna a ŋulu ikiminasi iyoŋ ka aŋuna a ŋulu iwuapito ŋakiciketa kon,

Neem. 4:14

Kadau ayoŋ akiŋolikin ŋakiro ŋun daadaŋ, abu ayoŋ owo olimok ŋikapolok, ŋikepukak ka ŋituŋa ŋuluce daadaŋ otema, “Nyikuryaketa aŋuna kec, totamutu Ekapolon ŋolo etiron ka ŋolo ikitubuli, ido tojioto aŋuna a ŋiyeneta kus, aŋuna a ŋidwe kus a ŋulusapa ka aŋuna a ŋidwe kus a ŋulupesur, aŋuna a ŋaberu kus ka aŋuna a ŋirerya kus.”

Neem. 9:32

“Aŋun nai, Akuj kosi, Akuj ŋina ka apedor, ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa, nyijamak ŋatyokisyo ŋuna apotu neni kosi, neni a ŋirwosi kosi, neni a ŋikepukak kosi, neni a ŋisacaradotin kosi, neni a ŋikadwarak kosi ka neni atapapaa kosi, neni a ŋituŋa kon a daadaŋ ameun anapaki a ŋina a ŋirwosi a ŋulu ka Asiriya akitodol nakoloŋit na.

Neem. 9:5

Kirworikis nai ŋilepi Yesua, Kadimel, Bani, Asabineia, Serabia, Odia, Sebania ka Pesaia temasi, “Tonyoutu, kipuro Ekapolon Akuj kus ŋikaru ka ŋikaru. Kipuroe ekiro kon ŋolo itopolooritae, ŋolo itopolooritae alokidiama akilo akitopoloorit daadaŋ ka akipuro daadaŋ.”

Ŋikiru. 100:4

Tolomasi Kai keŋ ilakara neni keŋ, tolomasi nalapatui ŋuna ka Akai keŋ ieosi. Tolakaros neni keŋ ka kipuro iŋes.

Ŋikiru. 103:1

Okoe etau kaŋ, kipur Ekapolon, akuwan kaŋ daadaŋ, kipur ekiro keŋ ŋolo asegan.

Ŋikiru. 111:9

Abu Ekapolon tolaku ŋituŋa keŋ; kiwuak acamunet ŋina a ŋikaru ka ŋikaru ka ikes. Erae iŋes ŋolo eseg ka ŋolo ekerer.

Ŋikiru. 145:17

Iyookino Ekapolon anakiro keŋ a daadaŋ, ido erimaana aloticisyo keŋ a daadaŋ.

Ŋikiru. 66:3

Temasi neni ka Akuj, “Eumokinito nooi ŋituŋa ŋakiro ŋuna itiya iyoŋ! Aŋuna ka apedor kon a ŋina apolon nooi, etiditeunosi ŋimoe kon, aryediko alokiŋaren kon.

Ŋikiru. 76:1

Eyenen Akuj alo Yudaya, itopolooritae nooi ekiro keŋ alo Isirael.

Ŋikiru. 76:12

Einanakini Akuj ŋikepukak ŋulu eturok aruwor ŋulu ecaryooko; ekerito iŋes ŋirwosi ŋulu ka akwap.

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Yoa. 17:11

Abunit ayoŋ neni kon; nyeriŋa ayoŋ ayai nakwap, nai eriŋa ikes eyakasi nakwap. Papa ŋolo Asegan, kiyok iyoŋ ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ, ikotere eruworosi ikes ŋipei, ikwaŋina ikiraakar iwon ŋipei.

Ŋikis. 28:58

Ani pa kiwuapa iyes ejok ka kirica ŋakiro daadaŋ ŋuna a ŋikisila a lu, ŋuna igiritae lokitaabo lo, itopoloorito ekiro ŋolo ka apolou, ŋolo etubulon, ŋolo a Ekapolon Akuj kus,

Ŋikis. 7:21

Nyikibul aŋuna kec, anerae Ekapolon Akuj kus ŋina irukitotor iyes, erae Akuj ŋina etubulon.

Yos. 24:19

Nai abu Yosua tolimok ŋituŋa tema, “Nyipedorete iyes akitiyanakin Ekapolon. Erae iŋes Akuj ŋina Asegan; erae iŋes Akuj ŋina alilyan. Nyisyoni iŋes ŋasecisya aŋuna ka aŋerit kus iŋes.

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.