Ŋikiru. 98:1 - Ebaibul

¹ Toeikisi eete ŋolokitete neni ke Ekapolon; anerae etiya iŋes ŋuna ka aumokin. Elou iŋes a apedor keŋ ka a agogoŋu keŋ a ŋina asegan.

Ŋikiru. 98:1 Iomraidhean Croise

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Yob 40:9

Igogoŋ iyoŋ lopite ŋolo egogoŋio Akuj a? Ipedori iyoŋ agirokin a etoil a ŋolo ikoni ŋolo keŋ a?

Ŋikiru. 105:5

Totamunito ŋiticisyo ŋulu ka aumokin ŋulu etiya iŋes, totamunito ŋakujuwuanisya ŋuna etiya iŋes ka ŋatubonokineta ŋuna abu iŋes tolimununu.

Ŋikiru. 136:4

Iŋes bon itiyae ŋiticisyo ŋulu ka aumokin, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 139:14

Ekepuri ayoŋ iyoŋ, anerae ikisubunit iyoŋ ayoŋ eloit ŋisubuna ŋuluce daadaŋ ka arae ŋini ajok nooi; erae ŋiticisyo kon ŋulu ka aumokin, ayeni ayoŋ ŋun nooi.

Ŋikiru. 149:1

Kipuroe Ekapolon! Toekisi eete ŋolokitete neni ke Ekapolon. kipuro iŋes aneni ilipyata ŋituŋa ŋulu ikinyomito iŋes.

Ŋikiru. 33:3

Toeikisi eete ŋolokitete neni ke Ekapolon, torama ŋaduŋgui ka aosou, toeos nooi ilelyanete.

Ŋikiru. 72:18

Akipuro toyai neni ke Ekapolon Akuj, Akuj ŋina a Isirael, iŋes bon itiyae ŋiticisyo ŋulu ka aumokin.

Ŋikiru. 77:14

Iyoŋ Akuj ŋina itiyae ŋuna ka aumokin; idau iyoŋ akitoodikin apedor kon neni a ŋituŋa a ŋakwapin.

Ŋikiru. 86:10

anerae ipol iyoŋ nooi ka itiyae ŋiticisyo ŋulu ka aumokin; iyoŋ bon irae Akuj.

Ŋikiru. 89:14

Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Ŋikiru. 96:1

Toeikisi neni ke Ekapolon eete ŋolokitete; toeikisi neni ke Ekapolon iyes ŋituŋa daadaŋ.

Ŋikiru. 96:3

Kiserata apolou keŋ neni a ŋituŋa, kiserata ŋiticisyo keŋ ŋulu ka aumokin neni a ŋituŋa daadaŋ,

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 15:6

Okoe Ekapolon, akan kon teten iŋes etoodiu apedor ŋina apolon nooi. akan kon teten iŋes abu kiela ŋimoe.

Isa. 12:5

Toeikisi ŋieosyo ŋulu ka akipuro neni ke Ekapolon, anerae etiya iŋes ŋiticisyo ŋulu ailiilok, kimyekisi ŋakiro ŋun toyenut ŋituŋa daadaŋ anakwap.

Isa. 42:10

Toeikisi eete ŋolokitete neni ke Ekapolon, toeikisi ipurosi iŋes anakisaleta ka akwap. Iyes ŋulu ilosete ananam kipuro Ekapolon, iyes ŋisubuna daadaŋ ŋulu iyarete alotooma anam kipuro Ekapolon, iyes ŋituŋa ŋulu iboiyete alodiyete anam kipuro Ekapolon.

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 59:16

Abu Ekapolon kiŋolik atemar emam ituŋanan epedori, abu iŋes tonyunyur iŋolikini atemar emam ituŋanan iŋarakini ŋulu isicanitae; aŋun, abu iŋes a apedor keŋ yau aiuno aŋuna keŋ ka abu akiyookino keŋ kiŋarak iŋes.

Isa. 63:5

Abu ayoŋ oŋoleŋolek, nai nyeŋolik idiokeŋarakinan, abu okobul ayoŋ, anerae amam ituŋanan ayai nen akiŋarakin ayoŋ, aŋun, abu ayoŋ elou a apedor kaŋ a elope ka abu anyunyura kaŋ a elope eketurubak ayoŋ ayari.

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Luk. 1:49

anerae Akuj ŋina ka apedor eketiyak ayoŋ ŋakiro ŋuna apolok, eseg ekiro keŋ.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋitic. 19:20

Alopite a ŋol, abu akirot ŋina ke Ekapolon kiyatakin nooi ka kielakin nakwapin.

Ŋitic. 2:11

Ŋiyudayan ka ŋulu nyerae Ŋiyudayan ŋulu ikicamu anupit kec. Ikiponit bo iwon ŋice alo Kirete ka Arabia--nai opupete bo iwon daadaŋ ikes irworosi a ŋaŋajepa yok ŋakiro ŋuna ka aumokin ŋuna etiyak Akuj!”

Ŋikol. 2:15

Alomusalaba a ŋol, abu Kristo tolacakin bon aneni ka apedor a ŋina a ŋipyan a ŋulu ipukato ka ŋikapolok daadaŋ; abu kisirum ikes ŋileec alokiŋaren ŋituŋa, kitorotok ikes alokaku keŋ erae ŋirikon etupito iŋes.

Akis. 14:3

Aeosi ŋituŋa ŋul eete ŋolokitete alokiŋaren ekicoloŋ ka alokiŋaren ŋityaŋ ŋuluomwon ŋulu ayarete ka alokiŋaren ŋikatukok. Amam idiotuŋanan ŋini apedori ayenun eete ŋol, mati ŋulu arae ŋalipyo amiat ka ŋatomoniomwon ka ŋiomwon, ŋulu keris keiun anakwap.

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.

Akis. 6:2

Abu eŋoliya oanyuwa aŋole ŋina akwaŋan. Ayakar ekameton keŋ akau ŋina a ŋikaleŋeleŋe ka aponi inakinae iŋes ebokot. Abu nai iŋes torotok iloununui ka ikotere ilounia.