Ŋikiru. 97:1 - Ebaibul

¹ Erae Ekapolon Erwosit! Emaikina ŋituŋa tolelyana; emaikina ŋituŋa ŋulu iboiyete alodiyete ŋanamyo tolakar.

Ŋikiru. 97:1 Iomraidhean Croise

Akisy. 10:5

Lopapae a Yapes ŋul akorarotor ŋituŋa ŋulu eboiyete alodiyete ŋanamyo nakwapin. Totyakaros ŋulutuŋa irworosi aŋajep apei ka erae ateker apei ka a ŋakwapin kec.

Ŋikiru. 2:11

Kitiyanakisi Ekapolon itopoloorito, kitiditeunos make alokiŋaren keŋ.

Ŋikiru. 93:1

Erae Ekapolon Erwosit, eyakar iŋes apolou ŋina ailiilon ka eyakar iŋes agogoŋu. Ewuak Akuj akwap; emam ŋini isiyotokini akwap a nen jik.

Ŋikiru. 99:1

Erae Ekapolon Erwosit, aŋun emaikina ŋituŋa ekuryaka aŋuna keŋ. Iboi iŋes alokicoloŋ a ŋolo eyai kidiama Ŋisubuna ŋulu a ŋabebenuk, aŋun emaikina akwap emarani aŋuna keŋ.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 41:5

Eŋolikis ŋituŋa ŋulu iboiyete alodiyete anam ŋakiro ŋun ka akuryaketa ikes, amaranikis ŋituŋa ŋulu eya nakisaleta a akwap; acunun ikes ka apotu kiŋaren.

Isa. 42:4

Nyilelenyi iŋes, kori nyilounio iŋes akitodol ŋina eyaunia iŋes akiyookino nakwap; idarito ŋituŋa ŋulu iboiyete alodiyete anam iŋes yau akitatam keŋ.

Isa. 49:1

Iyes ŋituŋa ŋulu iboiyete anakwapin a ŋuna idunyito anam, kiirasi ŋakiro kaŋ, iyes ŋituŋa ŋulu iboiyete anakwapin a ŋuna alwanak, topupokisi! Abu Ekapolon okonyarau ayoŋ eriŋa ayoŋ nyeuruuna, apaki ŋina ariŋaakar ayoŋ ayai nakook a toto kaŋ, abu iŋes okolimok ayoŋ ekiro.

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 60:9

Kire jik, ekewarete ayoŋ ŋituŋa ŋulu iboiyete alodiyete anam; iŋarenunete ŋameeli ŋuna a Tarisis, eyaunete ikes ŋidwe kus ŋulusapa aneni alwanan, eyaunete ikes esilipa ka egolid kec aŋuna ka akitopoloor ekiro a Ekapolon, Akuj kus ŋina asegan ŋina a Isirael, anerae ikitopoloo iŋes iyes.

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Obad. 1:21

Itipeiyorete ŋikaiunak, lomukura ŋolo a Sion, kipukata Edom, ido eruwor Ekapolon elope erae Erwosit.”

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Mat. 3:3

Anerae iŋes erworitor ekadwaran Isaya ebala, “Iworoe etoil a ituŋanan a ice analoŋisat ebala, ‘Kitemonokisi erot ŋolo ke Ekapolon; kisidiiryata ŋirotin keŋ!’”

Mat. 6:10

Akonipukan bu. Kitiyae acamit kon alokwap, ikwaŋina itiyaere anakuj.

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Mar. 11:10

Erereŋ apukan ŋina a Papa yok a Daudi ŋina ebunit! Osanna toyai kidiama nooi!”

Ŋikol. 1:13

Abu iŋes ikilaku iwon anapedor a ŋina ka akiryonut ka ikilopa iwon Napukan a Lokoku keŋ a ŋolo minat,

Akis. 11:17

ebasi, “Ekapolon Akuj ŋina etiron, ŋina erae ka ŋina arae! Ikitalakarit isua iyoŋ aŋuna isitiyaa apedor ŋina apolon ka isyak daŋ akipuka.