Ŋikiru. 96:4 - Ebaibul

⁴ anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

Ŋikiru. 96:4 Iomraidhean Croise

2 Ŋakiro a ŋirwa 2:4

Aapuu ayoŋ tokona adukokin Akai ŋina ilipere neni ke Ekapolon Akuj kaŋ, ido etaleu Akai ŋin aŋuna ka akicunyia ekinyate ŋolo akukunyon alokiŋaren Ekapolon ka ainakinia iŋes ŋamugati jwi jwi, apeyo ŋainakineta taparacu ka eboŋ, apeyo ŋainakineta ŋarwa ŋuna a Sabato ka ŋuna elomunia elap ta akitiya ŋasuban ŋuna ikicikakinitae isua akitiyaenen neni ke Ekapolon Akuj kosi. Erae ŋol etal ŋolo einakinitae Ŋisirael kitiyaete ŋikaru ka ŋikaru.

Neem. 9:5

Kirworikis nai ŋilepi Yesua, Kadimel, Bani, Asabineia, Serabia, Odia, Sebania ka Pesaia temasi, “Tonyoutu, kipuro Ekapolon Akuj kus ŋikaru ka ŋikaru. Kipuroe ekiro kon ŋolo itopolooritae, ŋolo itopolooritae alokidiama akilo akitopoloorit daadaŋ ka akipuro daadaŋ.”

Ŋikiru. 145:3

Epol nooi Ekapolon, emaikina kipuroe iŋes itopolooritae nooi; emam ituŋanan epedori akisalun ayenun apolou keŋ.

Ŋikiru. 150:2

Kipuro iŋes aŋuna a ŋiticisyo keŋ a ŋulu ka aumokin; kipuro iŋes aŋuna ka apolou keŋ a ŋina nyerukaryo.

Ŋikiru. 18:3

Anyarae ayoŋ Ekapolon ŋolo emaikina kipuroe, ido akaiunio ayoŋ alomoe kaŋ.

Ŋikiru. 48:1

Epol nooi Ekapolon, ido emaikina kipuroe iŋes nooi alotooma etaun ŋolo ka Akuj yok, alomukura keŋ a ŋolo asegan.

Ŋikiru. 66:3

Temasi neni ka Akuj, “Eumokinito nooi ŋituŋa ŋakiro ŋuna itiya iyoŋ! Aŋuna ka apedor kon a ŋina apolon nooi, etiditeunosi ŋimoe kon, aryediko alokiŋaren kon.

Ŋikiru. 66:5

Potu toyenutu ŋakiro ŋuna etiya Akuj; eumokina nooi ŋakiro ŋuna etiyae iŋes aŋuna a ŋituŋa.

Ŋikiru. 76:7

Iyoŋ bon emaikina itokeri. Ŋae epedori akiwo alokiŋaren kon apaki ŋina iŋoitor iyoŋ?

Ŋikiru. 86:10

anerae ipol iyoŋ nooi ka itiyae ŋiticisyo ŋulu ka aumokin; iyoŋ bon irae Akuj.

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Ŋikiru. 95:3

anerae erae Ekapolon Akuj ŋina apolon, erae iŋes Erwosit ŋolo apolon ŋolo iloit ŋakujo daadaŋ.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Yer. 5:22

Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Luk. 12:5

Eketoodikini ayoŋ iyes ŋini itemokino tokerito; tokerito Akuj ŋina epedori akiar, nabo eyakar iŋes apedor ŋina cakakinet tooma nakim ŋina nyeduŋe. Akalimokini ayoŋ iyes kire atemar, tokerito iŋes!

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

1 Sam. 4:8

Woitakoi! Ŋae ikilakuni iwon anakan a ŋakujo a nu a ŋuna agogoŋok? Erae ikes ŋakujo ŋunakoloŋ apotu toara Ŋijipitian analoŋisat a ŋidekesyo a ŋulugelegelya.