Ŋikiru. 96:2 - Ebaibul

² Toeikisi neni ke Ekapolon, kipuro ekiro keŋ; kiserata ŋuna ka aiuno keŋ a ŋinakoloŋit.

Ŋikiru. 96:2 Iomraidhean Croise

1 Ŋakiro a ŋirwa 29:20

Tema nai Daudi neni ka atukot a daadaŋ, “Kipuro Ekapolon Akuj kus.” Aŋun, apotu ŋituŋa daadaŋ kipuro Ekapolon, Akuj atapapaa kec; apotu kijuuroto, toryediko itopoloorito Ekapolon ka erwosit daŋ.

Ŋikiru. 103:20

Kipuro Ekapolon, iyes ŋimalaikan keŋ, iyes ŋikajiok ŋulu etirok, ŋulu iwuapito ŋakiciketa keŋ, iyes ŋulu iwuapito ŋakiro keŋ.

Ŋikiru. 145:1

Okoe Akuj, erwosit kaŋ, eketopoloori ayoŋ iyoŋ; epuri ayoŋ ekiro kon ŋikaru ka ŋikaru.

Ŋikiru. 145:10

Okoe Ekapolon, elakarosi neni kon ŋisubuna daadaŋ ŋulu ibu iyoŋ tosub, elakarosi neni kon daadaŋ ŋulu ikikinyomito iyoŋ.

Ŋikiru. 145:2

Ekepuri ayoŋ iyoŋ a ŋinakoloŋit; epuri ayoŋ ekiro kon ŋikaru ka ŋikaru.

Ŋikiru. 40:10

Nyemunoni ayoŋ ŋakiro ŋuna ka aiuno kon alotau kaŋ; erworo ayoŋ ŋuna ka akikinyoma kon ka ŋuna ka aiuno kon. Nyimunono ayoŋ ŋakiro ŋuna ka amina kon a ŋina nyiryaŋiryaŋa ka ŋuna ka akikinyoma kon anatukot a ŋituŋa a ŋulu ecunakina akilip.

Ŋikiru. 71:15

Eserae ayoŋ lotuŋa ŋiticisyo kon ŋulu ka akiyookino, eserae ayoŋ apaaran jwii ŋuna ikiunia iyoŋ isua, tari pa kayeni ayoŋ epite ŋolokiseraet.

Isa. 40:9

Okoe ŋituŋa a Sion, toloto lomoru ŋulu aoyak, kiserata a nen ŋakiro ŋuna ajokak, tocelutu a ŋitoilon a ŋulu apolok, okoe ŋituŋa a Yerusalem, kiserata ŋakiro ŋuna ajokak, tolimosi ŋakiro ŋun, nyikuryaketa. Tolimokisi ŋituŋa ŋulu iboiyete alotaunio a Yudaya ebe, “Eyai Akuj kus ne.”

Mar. 16:15

Tolimok Yesu ikes tema, “Apesi nakwapin daadaŋ, kitatama ŋituŋa daadaŋ Ŋakiro ŋuna Ajokak ŋuna ka Akuj.

Ŋitic. 13:26

“Ŋikaitotoi, ŋiletok ka Aburaam ka iyes ŋuluce ŋulu ikerito Akuj. Erae neni yok eyakuun ŋakiro ŋuna ka aiuno a na!

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

Akis. 5:13

Abu eira ŋolosubuna anakuj, anakwap ka anakwap a ŋikatwak ka ananam ta ŋinibore daadaŋ eyai tooma kec ebasi, “Toyai akipuro, akerit, apolou ka agogoŋu neni a ŋolo iboi alokicoloŋ ka neni a Imesek, ŋikaru ka ŋikaru!”