Ŋikiru. 96:13 - Ebaibul

¹³ alokiŋaren Ekapolon, anerae ebuni iŋes atubokin ŋituŋa. Etubokini iŋes akwap anakiyookino ka etubokini iŋes ŋituŋa alotooma ŋuna a kire.

Ŋikiru. 96:13 Iomraidhean Croise

Ŋikiru. 50:3

Ebunit Akuj yok, ido nyililiŋi iŋes; eyai akim kiŋaren keŋ ŋina enyamuwari ŋinibore, eyai ekuwuam nawaetin keŋ ŋolo ekusi nooi.

Ŋikiru. 67:4

Elipi tolakaros ŋituŋa a ŋakwapin, toeoto ka alelyanu, anerae itubi iyoŋ ŋakiro a ŋituŋa anakiyookino, ido itenit iyoŋ ŋituŋa a ŋakwapin a daadaŋ anakwap.

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Ŋikiru. 96:10

Tolimokisi ŋakwapin daadaŋ ebe, “Erae Ekapolon Erwosit! esubunitae akwap egogoŋ nooi, emam ŋini epedori akisiyotokin; etubokini Ekapolon ŋituŋa alotooma akiyookino.”

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

2 Ŋites. 1:10

Itiyakinio ŋun Akoloŋit ŋina ebunio iŋes aryamun akitopolooro aneni a ŋituŋa keŋ ka aryamun aumokinet aneni a ŋulu enupito iŋes. Iyakaunosi iyes daŋ kidiŋ kec, anerae inupa iyes ŋakiro ŋuna aponi isua ikilimokin iyes.

2 Tim. 4:8

Ekedaritere ayoŋ ebokot ŋolo ka akiyookino ŋolo erae ainakinet ŋina ka akiloun, ŋolo akainakini ayoŋ Ekapolon ŋolo erae ekatubon ŋolo iyookino Akoloŋit ŋina ka atubokino--meere neni kaŋ bon, nai neni a daadaŋ a ŋulu iitanito atakanun keŋ.

Tito 2:13

eriŋa ikidarit arereŋu ŋina ikigeno iwon, iŋes atemar itatakanunio apolou ŋina ka Akuj yok a ŋina etiron ka ŋina ke Ekaiunan yok Yesu Kristo.

Akis. 11:18

Apotu ŋituŋa ŋulu nyenupito Akuj tonyunyura, anerae adolu apaki ŋina ka anyunyura kon, apaki ŋina etubokinere ŋikatwak. Adolu apaki ŋina eropere ŋiketiyak, ŋikadwarak ka ŋituŋa kon daadaŋ ŋulu ikikerito iyoŋ, ŋulu arwok ka ŋulu caryo kaapei. Adolu apaki ŋinamunyaret ŋulu enyasak akwap!”

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

Akis. 22:10

Okolimok iŋes ayoŋ tema, “Nyimunon ŋakiro ŋuna edwaritae alokitaabo a lo, anerae eapi apaki ŋina itiyakinotor ŋun daadaŋ.