Ŋikiru. 95:3 - Ebaibul

³ anerae erae Ekapolon Akuj ŋina apolon, erae iŋes Erwosit ŋolo apolon ŋolo iloit ŋakujo daadaŋ.

Ŋikiru. 95:3 Iomraidhean Croise

Neem. 8:6

Kipur nai Esira Ekapolon, Akuj ŋina ailiilon, toboŋokis ŋituŋa daadaŋ temasi “Amen, Amen” ikyaarito ŋakan kec. Tosodi kijuuroto, kilipa neni ke Ekapolon edolito ŋireetin kwap.

Ŋikiru. 104:1

Okoe etau kaŋ, kipur Ekapolon. Okoe Ekapolon Akuj kaŋ, irae iyoŋ Akuj ŋina iyakar apolou ŋina iloit daadaŋ. Iyakar iyoŋ akibuses ka apolou ŋina ailiilon.

Ŋikiru. 135:5

Ayeni ayoŋ atemar epol Ekapolon nooi, epol Ekapolon yok nooi akilo ŋakujo daadaŋ.

Ŋikiru. 145:3

Epol nooi Ekapolon, emaikina kipuroe iŋes itopolooritae nooi; emam ituŋanan epedori akisalun ayenun apolou keŋ.

Ŋikiru. 47:2

anerae Ekapolon ŋolo alokidiama nooi iŋes emaikina kitopolooroe, Erae iŋes Erwosit ŋolo apolon nooi, ŋolo ipukat ŋakwapin daadaŋ.

Ŋikiru. 47:3

Abu iŋes ikiinak iwon akiloun ŋituŋa, ido opolokisi ŋakwapin.

Ŋikiru. 96:4

anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

Ŋikiru. 97:9

anerae iyoŋ, okoe Ekapolon irae ŋolo alokidiama nooi, ipukat iyoŋ akwap daadaŋ; ikitopolooritae iyoŋ nooi akilo ŋakujo daadaŋ.

Awos. 12:12

anerae akoloŋit ŋin nakwaare, etori ayoŋ nakwap a Ijipit daadaŋ, oar ŋikiyae daadaŋ alo Ijipit, ŋulu a ŋituŋa ka ŋulu a ŋibaren. Esicani ayoŋ ŋakujo a Ijipit daadaŋ. Arae ayoŋ Ekapolon.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Isa. 44:8

Nyikera, kori nyikuryaketa; nyiserakina mono ayoŋ iyes ŋun koloŋ sek ka nyelimokina a? Iraakasi iyes ŋisuudae kaŋ. Eyai mono akuj ace eyai akilo ayoŋ a? Emam ekeuryaran ece; emam ece ayeni ayoŋ.”

Yer. 46:18

Ayoŋ Ekapolon, erwosit ŋolo a ŋajoresyo alimu ebe, ‘Ikwapei ayarya ayoŋ, ebunit ipei ŋini ikwaan ka emoru Tabor alokidiŋ ŋimoru ka ŋini ikwaan ka emoru Karimel alodiyete anam.’

Yer. 48:15

Adolu ekenyasunan Moab ka ŋitaunio keŋ ka aari ŋisorok keŋ ŋulu sek eminae nooi, Erwosit ŋolo erae ekiro keŋ Ekapolon ŋolo a ŋajoresyo iŋes alimu ŋun.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Mal. 1:14

Ilamam ituŋanan ŋini emodiyana, ŋini ani kiik ainakin ayoŋ ibarasit ŋini ajokan alosipan keŋ, yau neni kaŋ ibarasit ŋini nyejok; arae ayoŋ Erwosit ŋolo apol akilo ŋuluce, ido itopolooritae ekiro kaŋ anakwapin.”

Mat. 5:35

Nyikoŋ tari akwap, anerae erae akwap neni icakit Akuj kori nyikoŋ Yerusalem, anerae erae etaun ŋolo ke Erwosit a ŋolo apolon nooi.

Ŋikis. 7:21

Nyikibul aŋuna kec, anerae Ekapolon Akuj kus ŋina irukitotor iyes, erae Akuj ŋina etubulon.