Ŋikiru. 92:6 - Ebaibul

⁶ Erae nu ŋuna nyepedori ituŋanan ŋini imasimasit ayenun, nyepedori ŋini abaŋaanan ayenun,

Ŋikiru. 92:6 Iomraidhean Croise

Ŋikiru. 104:24

Okoe Ekapolon, itiyau iyoŋ ŋiboro ŋulu alalak! Itiyau iyoŋ ikes daadaŋ anaosou kon; ileleba ŋisubuna kon nakwap.

Ŋikiru. 139:14

Ekepuri ayoŋ iyoŋ, anerae ikisubunit iyoŋ ayoŋ eloit ŋisubuna ŋuluce daadaŋ ka arae ŋini ajok nooi; erae ŋiticisyo kon ŋulu ka aumokin, ayeni ayoŋ ŋun nooi.

Ŋikiru. 14:1

Ebasi ŋibaŋaanotin alotai kec ebe, “Emam Akuj.” Emunaara ikes ka itiyaete ŋakiro ŋuna ka asiilyo; emam ipei daŋ ŋini itiyae ŋuna ajokak.

Ŋikiru. 32:9

Nyibaŋaanar ikwa aŋole, kori aŋole-sigirya ŋuna emetae ka arukan ta auno edokitae, ani emam ŋun nyiwuapete ikes ŋuna ecamit ituŋanan.

Ŋikiru. 49:10

Iteete ŋituŋa daadaŋ tari ŋikaosok etwakete; ŋibaŋaanotin daŋ ka ŋulu imatimataarit etwakete, ido imyaanakinete ebari kec kiruma ŋuluce.

Ŋikiru. 73:22

arae ayoŋ ebaŋ ka amam ibore ayeni; ekoni ayoŋ alokiŋaren kon etyaŋ ŋolo ebaŋaana.

Ŋikiru. 75:4

Abala ayoŋ neni a ŋiketurok ebe, ‘Tojoŋoto akituro jik,’ ido abala neni a ŋulu aronok ebe, ‘Tojoŋoto akitiya aronis.

Ŋikiru. 94:8

Toyenutu nu, iyes ŋulu a ŋimasimas, iyes ŋibaŋaanotin, ori mono iosunioto iyes?

Ŋakit. 1:22

“Okoe apaki ŋina etya ai iayete iyes ŋibaŋaanotin irae ŋibaŋaanotin? Apaki ŋina etya ai iayete iyes ŋulu ijamuwarito ŋuluce ilakara anajamuwarit ŋuluce? Apaki ŋina etya ai iayete iyes ŋibaŋaanotin iŋerito aosou?

Ŋakit. 24:7

Erae aosou ibore ŋini etamete ŋibaŋaanotin atemar nyepatana aryamun, nyirworyanakinete ikes eyakae lotemu neni ianere ŋakiro ka akwap.

Ŋakit. 30:2

Ayoŋ abaŋaana nooi alotuŋa a daadaŋ; amamukar ayoŋ ayenut ŋina eyakar ituŋanan.

Isa. 1:3

Eyeni emoŋ elope keŋ ka eyeni esigirya neni eyai akimuj ŋina itania elope keŋ iŋes. Nai nyeyenete Ŋisirael ŋakiro ŋun, emamukatar ŋituŋa kaŋ ayenut.’ ”

Isa. 28:29

Eponito nu daŋ aneni a Ekapolon a ŋolo a ŋajoresyo, itatami iŋes ŋakiro ŋuna ajokak ka eyakar iŋes aosou ŋina iloit.

Isa. 55:9

Ikwapei elwania kidiama alokwap, elwaka ŋuna ewuapit ayoŋ aneni a ŋuna iwuapito iyes ka nyeriyan ŋatameta kaŋ ka ŋuna kus.

Yer. 10:14

Imasimasit ŋituŋa daadaŋ ka emamukatar aosou; irumete ŋileec ŋituŋa ŋulu itiyaununete ŋakujo a egolid, anerae erae ŋitorubei kec ŋulu ka alyokonu ka emam ekieŋanu eyai lotorubei ŋul.

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

1 Ŋikor. 2:14

Ituŋanan ŋini emamukar Etau ŋolo ka Akuj, nyecamuni ŋakiro ŋuna ke Etau a ŋolo ka Akuj, anerae erae ŋun abaŋao aneni keŋ; ido nyepedori ayenun ikes, anerae epedorosi ŋun ayenun anakiŋarakinet a ŋina ke Etau a ŋolo ka Akuj bon.