Ŋikiru. 92:13 - Ebaibul

¹³ Ikwaanikin ikes ibusak eya Kai ke Ekapolon ka ŋikito ŋulu edupitae diyete Akai a Ekapolon, ŋulu ibusak analapatui aŋuna alo Kai ka Akuj yok.

Ŋikiru. 92:13 Iomraidhean Croise

2 Ŋakiro a ŋirwa 4:9

Todukok arwatata nawae alapatu ŋina a ŋisacaradotin ŋina ayai tooma Akai. Todukok ace nawae alapatu ŋina apolon ŋina ayai kiŋa Akai, toburusik eburonis lokekia ŋulu aya ŋalapatui ŋun.

Esta 9:4

Akuryaka ikes, anerae Moridekai iŋes arae ekapolon alokai a erwosit, ido aris ŋituŋa a ŋakwapin a ŋun a daadaŋ kiirasi ŋuna ka apolou keŋ a ŋina eata jik apoloor nooi.

Ŋikiru. 100:4

Tolomasi Kai keŋ ilakara neni keŋ, tolomasi nalapatui ŋuna ka Akai keŋ ieosi. Tolakaros neni keŋ ka kipuro iŋes.

Ŋikiru. 116:19

analapatui a ŋuna ka Akai ke Ekapolon ka alokidiŋ kon, okoe Yerusalem. Kipuroe Ekapolon!

Ŋikiru. 135:2

iyes ŋulu itiyaete alo Kai ke Ekapolon, iyes ŋulu iyakasi nalapatui ŋuna ka Akai ka Akuj yok.

Eete a Ŋie. 4:11

Ebobok aneni kaŋ ŋakiro ŋuna ilimununui iyoŋ ateran kaŋ, ebobok aneni kaŋ ŋakiro ŋuna irworo iyoŋ ikote ao ka ŋakile, ebob eure a ŋilowi kon ikoni eure a Lebanon.

Eete a Ŋie. 5:15

Ikote ŋakejen keŋ ŋipirin ŋulu itiyaunitae anamoru a ŋina enyaritae Alabasta, ŋulu esipokinitae nawoeta ŋuna itiyaunitae a egolid, ibus iŋes nooi ikwaan ka Lebanon, akwap ŋina eya ŋikito a Cedar ŋulu aoyak.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Osea 14:5

Ikikwaanikin ayoŋ ka ŋakopi aneni a Isirael, eturokini iŋes ikwa aturot ŋina ka amatata, edupakin ikes nakwap ikwa ŋataagor a ŋikito a amoni Lebanon,

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋirom. 6:5

Ani kikimorikina sek iwon ka iŋes anatwanare keŋ alopite a ŋolo atwania iŋes, ikwaŋinapei, ikimorikin iwon ka iŋes anayarun keŋ alopite a ŋolo eteyarunere iŋes.

Ŋiep. 3:17

ka elipenene ayoŋ Akuj kituruwo ŋitai kus neni iboiyo Kristo aŋuna ka anupit kus. Elipi ayoŋ atemar ibore daadaŋ ŋini itiyaete iyes, torae ŋini ebunit alotooma amina,

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.