Ŋikiru. 92:12 - Ebaibul

¹² Epitunete ŋulu iyookino lopite ŋolo episyata ŋikito a ŋiŋolya epoloete emam ŋace lopite ŋolo epolooto ŋikito a Cedar ŋulu eya Lebanon.

Ŋikiru. 92:12 Iomraidhean Croise

1 Ŋirw. 4:33

Abu iŋes tolimununu ŋirorwa a ŋikito akisyakin aneni a ŋolo enyaritae Cedar a ŋolo ayai Lebanon tari neni a ŋolo anyaritae Isop a ŋolo elemununio anarwatatain. Alimununui Solomon ŋirorwa a ŋityaŋ, ŋulu a ŋikieny, ŋulu a ŋiboorei a ŋulu elyato ka ŋulu a ŋikolya.

1 Ŋirw. 6:29

Kicienak Solomon narwatata ka Akai a ŋin daadaŋ nagulei alotooma ka alokiŋa ŋitorubei. Kicienak iŋes nen Ŋikerubim ŋulu a ŋakito a ŋiŋolya ka ŋulu a ŋatur a ŋuna eŋaara.

Esta 9:5

Aŋun, apotu Ŋiyudayan kitijioto ŋulu emanito ikes, toara a ŋatumio. Toŋola ka tomunyasi ikes, ido kitiyata ŋuna etalakarito ikes neni a ŋulu emanito ikes.

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Ŋikiru. 104:16

Eryamunito ŋikito ŋulu ke Ekapolon ŋakipi ŋuna itemokino, ŋikito ŋulu eyakasi Lebanon ŋulu enyaritae Cedar.

Ŋikiru. 148:9

Kipuro Ekapolon iyes ŋimoru ka ŋimukura daadaŋ, ŋikito ŋulu a ŋaraito ka ŋulu a Cedar daadaŋ,

Ŋikiru. 37:34

Kikinyoma Ekapolon ka kiwuapa ŋakiro keŋ, ido ikitalakari iŋes iyes, ikiinakini akwap toruwor ŋina kus; iŋolikinete iyes emunyaryo ŋulu aronok.

Ŋikiru. 52:8

Nai aiuna ayoŋ alo Kai; ka Akuj ekoni ekitoe ŋolo ka Olipa ŋolo erubi ejok; ekinyomit ayoŋ amina ka Akuj ŋina nyiryaŋiryaŋa ŋikaru ka ŋikaru.

Ŋikiru. 72:7

Elipi tolalaar akiyookino alorwa a ŋulu ipukator iŋes, elipi torubak ekisil ŋirwa daadaŋ ŋulu ipukator iŋes.

Ŋikiru. 92:7

tari kelalata ŋulu aronok ikwa ŋinya ka kelalata ŋulu itiyaete aronis daadaŋ, emunyari Akuj ikes nyetakanut nabo jik.

Isa. 55:13

Erupunete ŋikito a Cipres aneni iboiyoto iyes, meere nabo ŋamoni ŋuna a ŋikukwa, erupunete ŋikamurya aneni iboiyoto iyes, meere nabo ŋikito ŋulu a ŋikukwa Eruwor ŋin akitoodikinet ŋina a Ekapolon ŋina nyimuryakin ŋikaru ka ŋikaru, akitoodikinet ŋina nyepedoryo akinyasun.”

Isa. 65:22

Nyedukete ikes ŋakais, ido bu ituŋanan ice akiboi a nen, nyedupete ikes ŋikito bu ituŋanan ice akinyam ŋaraito kec, Iriyanikin ŋirwa a akiyar a ŋituŋa kaŋ ka ŋulu a ekitoe, imujete ŋituŋa kaŋ ŋuluseuna alotooma alelyanu apaki ŋina aoyan ŋinyomen ŋulu itaunete a ŋakan kec.

Yer. 17:8

Ikwaanikin ikes ka ekitoe ŋolo edupakinitae diyete ŋakipi, ekitoe ŋolo eremorit ŋataagor keŋ nayonae. nyekuryana iŋes apaki ŋina emwanunia akwap, erubakinete ŋakwii keŋ elibak; nyebulit iŋes ekaru ŋolo emamukar akiru, erai iŋes ŋaraito keŋ jik.

Amos 2:9

Torae bo abu ayoŋ omunya Ŋiamori alokiŋaren kec, arae Ŋiamori ŋituŋa ŋulu aoyak ikwa ŋikito a Cedar ka agogoŋ ikes ikwa ŋikuyono; abu ayoŋ omunya ikes jik ŋinapei alokidiama tari nataagor.

Mika 7:10

Iŋolikinete nai ŋimoe kaŋ ŋun, ido irumete ŋileec ŋituŋa ŋulu apotu temasi neni kaŋ ebe, “Ai mono eyai Ekapolon Akuj kon?” Eŋolikini ayoŋ ikes ereunio, ido kipudaarae ikwa ecoto ŋolo eyai lorotin ŋulu ke etaun.

Ekim. 24:6

Ikwaan ŋakiboisyo kus ka ŋakadipaalae ŋuna elolom nooi, ikwaan ka ŋimanikorin ŋulu eya diyete aŋolol, ikwaan ka ŋicucuka ŋulu edupit Ekapolon, ikwaan ka ŋikito a Cedar ŋulu eyakasi diyete ŋakipi.