Ŋikiru. 91:14 - Ebaibul

¹⁴ Ebala Ekapolon, “Ikes ŋulu akaminasi ayoŋ, aiuni ayoŋ ikes; euryari ayoŋ ŋulu eminasi ekiro kaŋ.

Ŋikiru. 91:14 Iomraidhean Croise

1 Ŋakiro a ŋirwa 29:3

Nabo daŋ, alotooma ŋiboro ŋul daadaŋ ŋulu aryamu ayoŋ aŋuna ka Akai a ŋina asegan, eatakinit ayoŋ ŋiboro kaŋ ke elope, ikwapei egolid ka esilipa, aŋuna ka ainakina kaŋ Kai ka Akuj kaŋ, ainakini ayoŋ Kai ka Akuj kaŋ

Esir 8:31

Aponi nai isua torotokinoe anaŋolol Aapa ŋirwa ke elap ŋitomon ka ŋiarei elap ŋolo ke epei, aŋuna ka alosit Yerusalem, ikiŋarakinit isua Ekapolon, abu iŋes ikiiu isua anapedor a ŋimoe kosi ka alotuŋa a ŋulu ikidapito isua alorot.

Ŋikiru. 59:1

Okoe Akuj kaŋ, tolakunae ayoŋ alomoe kaŋ; kiyokoi ayoŋ aneni a ŋulu akaremokino.

Ŋikiru. 9:10

Ikikinyomete iyoŋ Ekapolon ŋulu eyenete ekiro kon, anerae nyimyekini iyoŋ Ekapolon ikes ŋulu epote neni kon.

Ŋikiru. 9:11

Kipuro a ŋieosyo Ekapolon ŋolo ipukat alo Sion; kiserakisi lotuŋa a ŋakwapin ŋuna adau iŋes akitiya;

Ŋikiru. 91:9

anerae ituruwo iyoŋ Ekapolon neni iunor iyoŋ, ituruwo iyoŋ Akuj ŋina alokidiama nooi neni iboiyo iyoŋ.

Isa. 33:16

Ŋituŋa ŋulu ikote nen ikes eyarete aneni emam ŋican, eiunosi ikes anataaba a ŋina esibit aduketait ŋinajiet, einanakinio ikes akimuj kec ka eyakaunotor ikes ŋakipi a ŋinapaki.

Yer. 39:17

Nai akaiuni ayoŋ iyoŋ akoloŋit ŋin, ido nyikiinakinio iyoŋ napedor a ŋulu ikitubulito iyoŋ,

Yoa. 14:23

Toboŋok Yesu iŋes tema, “Ŋinituŋanan akamina ayoŋ, iricakini ŋakiro kaŋ. Eminakini Papa kaŋ iŋes ka ikiponi isua neni keŋ, eboiyoto ka iŋes.

Yoa. 16:27

anerae ikimina iyes Papa elope. Ikimina iŋes iyes, anerae ikiminasi iyes ayoŋ ka inupito atemar abunit ayoŋ aneni a Papa.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

Ŋigal. 4:9

Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo?

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.