Ŋikiru. 91:13 - Ebaibul

¹³ Ipudaari iyoŋ ŋiŋatunyo, ŋimuno ka ŋapomya, ipudaari iyoŋ ŋiŋatunyo ŋulu adedeŋak ka ŋimuno ŋulu eyakatar akisorit.

Ŋikiru. 91:13 Iomraidhean Croise

Yob 5:23

Emamukaun ŋamoru alomanikorin a ŋulu itae, iboiyete emam ŋace ka ŋityaŋ ŋulu ka ariet.

Ŋikiru. 58:4

Ileleba neni kec akisorit ŋina ikoni ŋina a akipom, egolol ŋaki kec ikote ŋuna a akipom,

Isa. 27:1

Akoloŋit ŋin isitiyae Ekapolon ananyunyura ekileŋ keŋ ŋolo apolon ka ŋolo agogoŋon akisicania etyaŋ ŋolo enyaritae Lepiasan, emun ŋolo ekeri edokinit, Lepiasan emun ŋolo ilugulugo, ido eari Ekapolon etyaŋ ŋolo adedeŋan ŋolo iboi ananam.

Dan. 6:22

Abu Akuj kaŋ kiyaku emalaika keŋ ŋolo abu togol ŋakituka a ŋiŋatunyo, ikotere nyakanyama ikes ayoŋ, anerae abu Akuj kaŋ toryamu atemar mam asecit etiyat ayoŋ aneni keŋ ka aneni kon daŋ, okoe erwosit, mam aronis etiyat ayoŋ.”

Mar. 16:18

ikamunete ikes ŋimuno a ŋakecekan, kemata ikes tari ibore ŋini aaran, nyewani ikes jik; idokokinete ŋakecekan lokadyakak, kitaŋaleut.”

Luk. 10:19

Topupokisi! Akainak ayoŋ iyes apedor daadaŋ ŋina reunet ŋimuno ka ŋitwania ta areun apedor daadaŋ ŋina a ŋolo Aronon; emam ibore ŋini ikiwani iyes.

Ŋirom. 16:20

Ido eapi Akuj ŋina erae alope ekisil, ainakin iyes apedor akipicar Satan a ŋakejen kus. Toyai neni kus ajokis ŋina ke Ekapolon yok Yesu Kristo.

Ŋirom. 3:13

Ŋakiro ŋuna irworosi ikes eyaununuyete atwanare; ileleba amodiyo ŋina aronon lorwor kec, nabo daŋ ŋakiro ŋuna irworosi ikes erae ŋuna aarak, ikote akisorit ŋina ke emun.

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

1 Sam. 17:37

Tema Daudi, “Akaiuni ayoŋ Ekapolon anakan a Epilistait a ŋol lopite ŋolo abunio okoiunia ayoŋ alomoyo a eŋatuny ka alomoyo a etyaŋ ece a ŋolo adedeŋan.” Aŋun, tema Saul neni a Daudi, “Ape, toyai Ekapolon kaapei ka iyoŋ.”