Ŋikiru. 9:9 - Ebaibul

⁹ Neni ke Ekapolon iŋes eiunotor ŋulu isicanitae, neni keŋ eyakaun ikes eiuna alorwa a ŋulu a ŋican.

Ŋikiru. 9:9 Iomraidhean Croise

1 Ŋakiro a ŋirwa 16:33

Eeikinete nai ŋikito a ŋamon alotooma alelyanu alokiŋaren Ekapolon, anerae ebuni iŋes atubokin ŋituŋa.

Ŋikiru. 108:12

Kiŋarakinae isua anakitijiore ŋimoe kosi, anerae erae akiŋarakinet a ŋituŋa akoŋinait.

Ŋikiru. 142:4

Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 20:1

Elipi atemar itoboŋok iyoŋ Ekapolon ŋakiro kon apaki ŋina iyakar locan; elipi ikiyok iyoŋ Akuj a Yakob.

Ŋikiru. 32:7

Irae iyoŋ neni aŋopitor ayoŋ; ikiunit iyoŋ ayoŋ alocan; ikisirikaunit iyoŋ ayoŋ ŋituŋa ŋulu eeosi ŋieosyo ŋulu ka alelyanu aŋuna ka aiuno.

Ŋikiru. 37:39

Eiuni Ekapolon ŋulu iyookino ka iyoki ikes anapakio a ŋuna a ŋican.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Ŋikiru. 46:7

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 48:3

Etoodiu Akuj atemar eiun ŋituŋa a nen, aneni eyai iŋes;

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Ŋikiru. 67:5

Okoe Akuj, elipi ikipuro iyoŋ ŋituŋa, ikipuro iyoŋ ŋituŋa daadaŋ.

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Ŋikiru. 96:10

Tolimokisi ŋakwapin daadaŋ ebe, “Erae Ekapolon Erwosit! esubunitae akwap egogoŋ nooi, emam ŋini epedori akisiyotokin; etubokini Ekapolon ŋituŋa alotooma akiyookino.”

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 8:14

Ekapolon iŋes eruwor asegis, amoru ŋina iguwanakini ŋituŋa a Yudaya ka Isirael ka ataaba ŋina ibusonokini ikes. Eruwor iŋes aloc ka auno ŋinakisurumet ŋituŋa ŋulu iboiyete alo Yerusalem;

Naum 1:7

Ejok Ekapolon, eiununui iŋes ŋituŋa keŋ apaki ŋina eyakatar locan, eiununui iŋes ŋituŋa ŋulu eemete neni keŋ,

Luk. 13:34

“Okoe ŋituŋa a Yerusalem ŋulu iarete ŋikadwarak, nabo tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunia akokoroit ŋimiyoi nabebenuk keŋ, nai nyikicamakis iyes ayoŋ.

Ŋikis. 33:27

Akuj ŋinaruba iŋes erae akaiunan kus, abu iŋes tomunya anakwap ŋajorei ŋunakoloŋ, abu kirita ŋimoe kus alokiŋaren kus, ido tema, “Tomunyasi!”

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.