Ŋikiru. 9:6 - Ebaibul

⁶ Adaunosi ŋimoe kosi jik; imunaa iyoŋ ŋitaunio kec jik, nyeriŋa nabo ikes etamunio jik.

Ŋikiru. 9:6 Iomraidhean Croise

2 Ŋirw. 19:25

“Nyiirara iyoŋ ŋinapei kanuwan atemar ayoŋ abu etemok ŋun kitiyakin a? Aberakin koloŋ sek ayoŋ ayeun ŋun, adau tokona akisiyookin, iŋes tokona ituruworia iyoŋ ŋitaunio ŋulu adukuk ka awuatae a ŋarwatatain ŋamoru ŋuna etukosi koŋin.

Yob 18:17

Nyeriŋa nabo etamunitae ikes anakwap, nyeriŋa elimitoe ŋirorwa kec alorotin a etaun.

Ŋikiru. 34:16

Eremokino Ekapolon ŋulu itiyaete ŋuna aronok; ecamit alemar ikes anakwap, tojoŋoi atamunit.

Ŋikiru. 34:17

Ani kikaloikis ŋulu iyookino Ekapolon aŋuna ka akiŋarakino; iirari Ekapolon akigworo kec, ido eiuni ikes alocan kec a daadaŋ.

Ŋikiru. 46:9

Itasalununui iŋes ŋijiesyo anakwap; ebilibili ŋakausinei a ŋikaleŋeleŋe, kimasana ŋakwaaras, ido kicuny ŋaupala.

Ŋikiru. 7:5

kimyek ŋimoe kaŋ ekewuap ayoŋ okoditasi, kimyek ikes okoara ayoŋ ekemyekis aperi alokwap, kidoŋ akuwan kaŋ napuwa.

Ŋikiru. 8:2

Itaanyu iyoŋ ŋidwe ŋulu cicik ka ŋulu enakete akipuro iyoŋ, iwuak iyoŋ ariwo kidiŋ iyoŋ ka ŋimoe kon, akisililiŋia ŋimoe kon ka ŋikenyaŋak.

Awos. 14:13

Abu nai Moses toboŋok ŋituŋa tema, “Nyikuryaketa. Kicata, iŋolikinete iyes alakuno ŋina ikiinakini iyes Ekapolon nakoloŋit na. Ŋijipitian ŋul ŋulu itete iyes tokona, nyiŋolikinete nabo iyes ikes jik.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Isa. 14:17

Erae mono lo ekile ŋolo abu kisikwaanik akwap ka aloŋisat ka kikama ŋitaunio a akwap? erae mono ekile ŋolo pa emyekini ŋimabus keŋ toboŋosi lorerya kec a?’

Isa. 26:14

Nyeyarete ŋikatwak, nyeboŋununeete nakwap ŋitorubei a ŋikatwak, anerae ibu iyoŋ kisican ikes ka tomunya ikes, kitoŋopiya ikes tojoŋoi atamunit jik.

Isa. 37:26

“Nyiirara iyoŋ atemar abu ayoŋ oyeu koloŋ sek atemar kitiyakin ŋun a? Aberakin koloŋ sek ayoŋ ayeun ŋuna tokona emaikina kitiyakin; kituruwo iyoŋ ŋitaunio ŋulu eya ŋaduketa ŋunajiet ŋatukon a ŋamoru koŋin,

Yer. 51:25

Okoe iyes ŋituŋa a Babilon, ikwaan iyes ka emoru ŋolo ikimunyari, emoru ŋolo emunyari akwap daadaŋ. Eopeuni ayoŋ akan kaŋ ekemanit iyes, ekeriu iyes anaŋici a ŋatabab, ekesikwaanik ka emoru ŋolo anomiya akim.

Mika 7:10

Iŋolikinete nai ŋimoe kaŋ ŋun, ido irumete ŋileec ŋituŋa ŋulu apotu temasi neni kaŋ ebe, “Ai mono eyai Ekapolon Akuj kon?” Eŋolikini ayoŋ ikes ereunio, ido kipudaarae ikwa ecoto ŋolo eyai lorotin ŋulu ke etaun.

Mika 7:8

Okoe iyes ŋimoe kaŋ, nyilelyana aŋuna ka akiloun ayoŋ; ani apapanuni ayoŋ, aryamuni nabo agogoŋu, ani amini ayoŋ nakiryonut, Ekapolon eruwor akica kaŋ.

1 Ŋikor. 15:26

Emoit ŋolo ilounio ekaku iŋes atwanare.

Akis. 20:2

Kikamu iŋes epiu--emun ŋoloŋorot, ŋolo erae Ekipye ka Satan, toen iŋes a ŋiriko ŋikaru aliput apei.

1 Sam. 30:1

Ani elunyari ŋirwa ŋiarei, todolut Daudi ka ŋikajiok ŋulu arukito ka iŋes Sikilag. Toryamut Ŋiamaleki keŋaasi ajore kwap Yudaya ka keremo Sikilag. Kepotu Ŋiamaleki toremo ka kicunyasi Sikilag

1 Sam. 31:7

Ani iirarete Ŋisirael ŋulu ayakasi ekekwaye akadipaalat ŋina a Yesireel ka ŋulu ayakasi ekekwaye aŋolol Yorodan atemar abwaŋasi Ŋisirael ka aari Saul ka ŋidwe keŋ ŋulusapa, apotu kimyekis ŋitaunio kec, toema nariet. Apotu nai Ŋipilistin potu toloma lotaunio ŋul.