Ŋikiru. 9:17 - Ebaibul

¹⁷ Elosete ŋulu aronok daadaŋ nakibois a ŋikatwak, elosete ŋituŋa daadaŋ ŋulu eŋerito Akuj nen.

Ŋikiru. 9:17 Iomraidhean Croise

Yob 5:13

ikamununui Akuj ŋikaosok anaosou kec, itasalununui Akuj atipei ŋuna eyeete ŋulu irworosi itojokasi.

Yob 8:13

Erae ŋol epite ŋolo eyakaunotor ŋituŋa ŋulu nyikinyomito Akuj; edaun akigeno a ŋituŋa a ŋulu nyikinyomito Akuj.

Ŋikiru. 106:13

Nai apotu ŋakiro ŋuna abu Akuj kitiya kimuryakis ikes; apotu nyidara Akuj alimokin ikes ŋakiro ŋadi.

Ŋikiru. 44:17

Etiyakinosi ŋakiro nu daadaŋ neni kosi, tari daŋ keriŋa isua ikitamunit iyoŋ, kori pa kikiŋerit akiwuap acamunet kon ka isua.

Ŋikiru. 44:20

Ani kerae ikimuryakinite isua akilip neni ka Akuj kosi, kori kikyaaritetei isua ŋakan kosi ikilipi neni ka Akuj ka ace,

Ŋikiru. 49:14

Elomarete ikes nakibois a ŋikatwak, lopite ŋolo elomaryata ŋamesekin nakibois ŋina eŋolere, ido etwakete ikes. elomarete ikes kwap, meere iwace, eŋopiyarete ŋasima kec; eruwor akibois a ŋikatwak ŋina kec.

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Ŋakit. 5:22

Ikamununeete ŋasecisya a ŋulu aronok ŋituŋa ŋul, iduponor ikes aloticisyo a ŋulu ka asecit kec.

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Isa. 5:14

Aŋun, eitan nooi akwap ŋina a ŋikatwak ikes aŋaar ŋalup nooi aŋuna kec, elomarete tooma ŋalup ŋikapolok a Yerusalem ka ŋituŋa ŋulu alalak kaapei ka asepic ŋina sek ecela a nen ta ŋulu sek itopoloorito iŋes.

Yer. 13:25

Erae ŋun ŋakiro ŋuna itiyakin neni kus anerae ekemuryak ayoŋ iyes, ido igyenokinosi amodiyo.

Yer. 18:15

Nai, emuryakin ayoŋ aneni a ŋituŋa kaŋ, icunyanakinete ikes ekinyate nakujo ŋunacaryo, ŋuna ainakis ikes akiwuapit ŋuna pa amaikina kiwuapa, nyeriŋa iwuapito ŋuna a akoloŋ sek; iwuapito ikes ŋirotin ŋulu nyemaikinae amet, nyiwuapito ŋolo etakani.

Yer. 2:32

Epedori mono apese akisimuryakin ŋinapen keŋ ŋulu esiritor iŋes akuwan keŋ a? Kori epedori mono ateran akisimuryakin ŋilowi keŋ a? Nai emuryakin ayoŋ aneni a ŋituŋa kaŋ ŋirwa ŋulu nyimarun.

Yer. 3:21

“Epupio etoil ŋolo ebunit alokidiama ŋikamukumukui ŋulu aororut, epupio akigworo ka adyekitoi a ŋituŋa a Isirael, anerae enyasut ikes epite ŋolo eboiyoto, emuryak ikes Ekapolon Akuj kec.

Esek. 22:16

Ekaku kikijamuwasi iyes ŋituŋa a ŋakwapin, iyenunete iyes atemar arae ayoŋ Ekapolon.’ ”

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”