Ŋikiru. 9:10 - Ebaibul

¹⁰ Ikikinyomete iyoŋ Ekapolon ŋulu eyenete ekiro kon, anerae nyimyekini iyoŋ Ekapolon ikes ŋulu epote neni kon.

Ŋikiru. 9:10 Iomraidhean Croise

2 Sam. 22:3

Akuj kaŋ, ataaba kaŋ ŋinakiupala, neni kon iŋes aiunor ayoŋ, iyoŋ irae aupal kaŋ ka akaiunan kaŋ ŋina etiron, neni kon iŋes ayakaun ayoŋ pa eryaŋiryaŋa, neni kon iŋes aŋopya ayoŋ, iyoŋ irae akaiunan kaŋ, ibu iyoŋ ikiu ayoŋ aneni a ŋaryenyaanisya.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

Ŋikiru. 37:28

anerae emina Ekapolon ŋulu iyookino, ido nyimyekini ŋulu ikinyomito iŋes. Iyokiyo ŋulu iyookino ŋikaru ka ŋikaru, nai emunyaryo ŋidwe a ŋulu aronok.

Ŋikiru. 37:39

Eiuni Ekapolon ŋulu iyookino ka iyoki ikes anapakio a ŋuna a ŋican.

Ŋikiru. 5:11

Nai kimyek daadaŋ ŋulu apotu aiuno neni kon tolelyana; kimyek ikes toeoto ka alelyanu a ŋinakoloŋit; kiyok ŋulu ikiminasi iyoŋ, anerae aŋuna kon elelyanete ikes nooi;

Ŋikiru. 57:1

Okoe Akuj kisyonitetei ayoŋ, kisyonitetei ayoŋ, anerae neni kon iŋes aiunia ayoŋ akiyar kaŋ; akitodol ŋina edaunotor ŋinyas.

Ŋikiru. 91:14

Ebala Ekapolon, “Ikes ŋulu akaminasi ayoŋ, aiuni ayoŋ ikes; euryari ayoŋ ŋulu eminasi ekiro kaŋ.

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Isa. 45:19

Nyirworo ayoŋ anakimunono, nyirworo ayoŋ anakwap a ŋina ka akiryonut; nyelimokina ayoŋ ŋiletok a Yakob ebe, “Kiwarae ayoŋ aneni nyaryamunor.” Ayoŋ Ekapolon, erworo ŋuna a kire, alimuni ayoŋ ŋakiro ŋuna iyookino.

Yer. 29:13

Ani kikiwara iyes ayoŋ, ikiryamunete iyes ayoŋ, ani kikiwara iyes ayoŋ a ŋitai kus a daadaŋ,

Naum 1:7

Ejok Ekapolon, eiununui iŋes ŋituŋa keŋ apaki ŋina eyakatar locan, eiununui iŋes ŋituŋa ŋulu eemete neni keŋ,

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

2 Tim. 1:12

erae nai Ŋakiro ŋuna Ajokak ŋunapei ŋun ikes adaŋitor ayoŋ daŋ ŋican. Nai nyekerumito ayoŋ ŋileec, anerae ayeni ayoŋ ŋini ekinyomit ka ayeni kire atemar epedori iŋes akiyok ejok ŋuna adaun akicikakin ayoŋ akitodol Akoloŋit ŋina esidyon.

1 Yoa. 2:3

Ikianyuni iwon kire atemar, ikiyeni iwon Akuj, erae kikiricak iwon Ŋakiciketa keŋ.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.