Ŋikiru. 89:5 - Ebaibul

⁵ Okoe Ekapolon, kimyek ŋisubuna kon ŋulu anakuj ikipuro iyoŋ aŋuna a ŋiticisyo kon a ŋulu ka aumokin. kimyek ŋimalaikan ikipuro iyoŋ anatukot kec aŋuna a ŋiticisyo kon a ŋulu ka aumokin,

Ŋikiru. 89:5 Iomraidhean Croise

1 Ŋakiro a ŋirwa 17:11

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit, kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

1 Ŋakiro a ŋirwa 17:12

Eletonit ŋol iŋes edukokini Akai aŋuna a ekiro kaŋ, ido etogogoŋi ayoŋ ekipukae keŋ torubak ŋikaru ka ŋikaru.

Yob 5:1

“Tonyaraanar tokona, eyai kire idio ŋini ikiboŋokini iyoŋ a? Ali alokidiŋ ŋimalaikan iŋitakini iyoŋ abunore akiŋarakin iyoŋ?

Ŋikiru. 132:11

Abu Ekapolon kikoŋ neni a Daudi, akikoŋet ŋina a kire ŋina nyelakari iŋes. abu iŋes tema, “Eturuwori ayoŋ epei a ŋidwe kon a ŋulusapa erwosit, ipukae iŋes ekaku kon.

Ŋikiru. 19:1

Isileereunit kidiama apolou ŋina ka Akuj; ido itoodiunit ariwo ŋina alokidiama etic ŋolo abu iŋes kitiya.

Ŋikiru. 50:6

Elimorit nakuj akiyookino ka Akuj ka atemar Akuj alope erae akatubon ŋakiro.

Ŋikiru. 61:8

Aŋun, aeonokini ayoŋ jwi jwi ŋieosyo ŋulu epuror ekiro kon, apaki ŋina esiyoonokinio ayoŋ a ŋinakoloŋit ŋuna adau akikoŋ.

Ŋikiru. 89:30

Nai ani kimyekis ŋipapae keŋ ŋikisila kaŋ, toloto pa iwuapito ŋuna alimunit ayoŋ,

Ŋikiru. 89:37

erubakini apukan keŋ lopite ŋolo eyakar elap, lopite ŋolo ecaya alokidiama.”

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Ŋikiru. 97:6

Iseraete ŋimalaikan ŋuna ka akiyookino keŋ; iteete ŋituŋa daadaŋ apolou keŋ.

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Dan. 7:10

Abunit ayonae ŋina alelyaa akim alokicoloŋ keŋ aleleunit akim ŋin aneni ayai ŋolo iboit ŋikaru ka ŋikaru. Etiyanakinete iŋes ŋiketiyak ŋulu arae ŋalipyo ka ŋalipyo, awuasi ŋiketiyak keŋ ŋamilionio amiat alokiŋaren keŋ. Togeunae nai eikiiko ŋolo etubere ŋakiro, toŋaarae ŋikitaaboi.

Ŋiep. 3:10

ikotere nai alotooma Ŋikristo toyenut ŋikepukak ka ŋapedorosyo ŋuna anakuj aosou ŋina ka Akuj alotooma ŋiboro daadaŋ.

Ŋikis. 33:2

Abu iŋes kirwor ŋakiro nu: Abu Ekapolon bu alo Sinai, totakanu neni yok alo Seir, tocau alomoru Paran. Arukito iŋes ka ŋikasegak ŋalipyo ka ŋalipyo, ayakasi teten keŋ ŋajorei keŋ.

2 Ŋites. 1:7

ka ikisieŋuni iyes ŋulu iryamunito ŋican ka ikisieŋuni isua daŋ. Itiyakini iŋes ŋun apaki ŋina etakanunia Ekapolon Yesu anakuj kaapei ka ŋimalaikan keŋ ŋulu eyakatar apedor.

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.