Ŋikiru. 89:41 - Ebaibul

⁴¹ Ekokoyete ŋituŋa daadaŋ ŋulu itorete nen ŋiboro keŋ; aruwor iŋes ŋolo ejamuwarito ŋikidunyetkeŋ.

Ŋikiru. 89:41 Iomraidhean Croise

Neem. 5:9

Aŋun, abu ayoŋ otema, “Nyejokak ŋakiro ŋuna itiyaete iyes. Nyemaikina mono iyes itopoloorito Akuj yok, ikotere kiretakis ajamuwaro nyebu neni yok aneni a ŋituŋa a ŋakwapin a ŋulu erae ŋimoe yok a?

Ŋikiru. 74:10

Okoe Akuj, apaki ŋina etya ai eayete ŋimoe kon ikijamuwarito iyoŋ? Erubakinete mono ŋimoe kon iyanyete ekiro kon ŋikaru ka ŋikaru a?

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Ŋikiru. 80:13

Ipudaete ka icakuraete tokona ikes akwap ŋin lopite ŋolo icakuraata ŋiputiro akwap, ido inyasete ikes akwap ŋin lopite ŋolo inyasata ŋityaŋ ŋulu ka ariet.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 5:5

Tokona, akalimokini ayoŋ iyes ŋuna alosi ayoŋ akitiya neni a emanikor kaŋ a ŋolo a ŋikito a epiini. Alemari ayoŋ ŋikito ŋulu ewuatere iŋes, ido tomunaarae iŋes, aritaari ayoŋ arwatata ŋina ewuatere iŋes, ido kipudaarae iŋes.

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 44:12

Amunyari ayoŋ ŋipiya a Yudaya daadaŋ ŋulu imukekinito alosit nakwap a Ijipit, akiboi a ina, etwakete ikes daadaŋ anakwap a Ijipit a ekileŋ ka akoro, ameun a ŋulucaryo tari ŋulu itopolooritae etwakete ikes a ekileŋ ka a akoro, ejamuwarete ŋituŋa ikes ka iyanyio ŋituŋa isitiyao ekiro kec, ituruworyo ekiro kec ŋolo icenere ŋuluce ka ŋolo inyasere ŋuluce.

Yer. 44:8

Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Aum. 2:5

Ekwaanikin Ekapolon aneni yok ka ŋimoe; amunya iŋes Ŋisirael; amunya ŋakais daadaŋ ŋuna iboiyoto ŋirwosi a Isirael, aritaki kwap ka eturuwo ŋaduketa kec ŋunajiet ŋireŋoroto, etalal nooi akigworo ka aumonokin alotuŋa a Yudaya.

Aum. 5:1

Okoe Ekapolon, totamu ŋakiro ŋuna etiyakinosi neni kosi, kiŋoliu neni kosi, ikotere kiŋolik epite ŋolo ikijamuwarere isua.

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Ŋikis. 28:37

Iruworosi iyes ŋulu ikijamuwaritae, ŋulu isiilyaka ka ŋulu ikirworore alotuŋa a daadaŋ a ŋakwapin a ŋuna ikiyai iyes Ekapolon.