Ŋikiru. 89:14 - Ebaibul

¹⁴ Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Ŋikiru. 89:14 Iomraidhean Croise

Neem. 1:10

Erae ikes ŋiketiyak kon ka ŋituŋa kon ŋulu ibu iyoŋ tolaku ka apedor kon a ŋina etiron ka a agogoŋu kon.

Ŋikiru. 145:17

Iyookino Ekapolon anakiro keŋ a daadaŋ, ido erimaana aloticisyo keŋ a daadaŋ.

Ŋikiru. 85:13

Erubakini akiyookino eyai kiŋaren Akuj aŋuna ka akitemonokin neni itori iŋes.

Ŋikiru. 89:2

Alimori ayoŋ atemar erae amina kon ŋina nyiryaŋiryaŋa ŋina itiirae ŋikaru ka ŋikaru; itiirae akikinyoma kon lopite ŋolo itiiraa kidiama.

Ŋikiru. 97:2

Eyakasi nawaetin keŋ ŋidouwon ka akiryonut ŋina iryono cuc ipukat iŋes alotooma akiyookino ka ŋuna a kire.

Ŋikiru. 98:1

Toeikisi eete ŋolokitete neni ke Ekapolon; anerae etiya iŋes ŋuna ka aumokin. Elou iŋes a apedor keŋ ka a agogoŋu keŋ a ŋina asegan.

Ŋikiru. 99:4

Okoe Erwosit ŋolo etiron, imina iyoŋ akiyookino, idau iyoŋ akiwuakin akiyookino Isirael; idau iyoŋ ayaun akiyookino ka akitub ŋakiro anakiyookino.

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Awos. 15:6

Okoe Ekapolon, akan kon teten iŋes etoodiu apedor ŋina apolon nooi. akan kon teten iŋes abu kiela ŋimoe.

Ŋakit. 16:12

Erae asiilyo aneni a ŋirwosi akitiya aronis, anerae akiyookino iŋes itogogoŋi apukan.

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!