Ŋikiru. 86:8 - Ebaibul

⁸ Okoe Ekapolon, emam anakujo akuj ŋina ikwaan ka iyoŋ; mam ŋiticisyo ikwaan ka ŋulu kon.

Ŋikiru. 86:8 Iomraidhean Croise

2 Ŋakiro a ŋirwa 2:4

Aapuu ayoŋ tokona adukokin Akai ŋina ilipere neni ke Ekapolon Akuj kaŋ, ido etaleu Akai ŋin aŋuna ka akicunyia ekinyate ŋolo akukunyon alokiŋaren Ekapolon ka ainakinia iŋes ŋamugati jwi jwi, apeyo ŋainakineta taparacu ka eboŋ, apeyo ŋainakineta ŋarwa ŋuna a Sabato ka ŋuna elomunia elap ta akitiya ŋasuban ŋuna ikicikakinitae isua akitiyaenen neni ke Ekapolon Akuj kosi. Erae ŋol etal ŋolo einakinitae Ŋisirael kitiyaete ŋikaru ka ŋikaru.

Ŋikiru. 135:5

Ayeni ayoŋ atemar epol Ekapolon nooi, epol Ekapolon yok nooi akilo ŋakujo daadaŋ.

Ŋikiru. 136:4

Iŋes bon itiyae ŋiticisyo ŋulu ka aumokin, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 89:6

anerae ŋae ice ŋini eyai kidiama, ŋini epedoryo akisikwaan ka iyoŋ Ekapolon? Ŋae ikwaan ke Ekapolon alosubuna a ŋulu eya nakuj?

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Ŋikiru. 89:8

Okoe Ekapolon, Akuj ŋina a ŋajoresyo, ŋae eyakar apedor ikwa iyoŋ okoe Ekapolon? Irae iyoŋ Akuj ŋina ikinyoma ŋapakio daadaŋ.

Ŋikiru. 95:3

anerae erae Ekapolon Akuj ŋina apolon, erae iŋes Erwosit ŋolo apolon ŋolo iloit ŋakujo daadaŋ.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 8:6

Aŋun, abu Aron kikyaa akan keŋ kidiama ŋakipi ŋuna aya nakwap a Ijipit; ido apotu ŋakidodoka tolomut a nen pena nakwap a Ijipit.

Isa. 40:18

Anibore nai isikwaanikineta iyes Akuj, kori anibore eyakatar ŋasima keŋ?

Isa. 40:25

Ebala Ekapolon ŋolo asegan ebe, “Ŋae nai tokona ikisikwaanikineta iyes ayoŋ? Kori ŋae ikiriyan ka ayoŋ?

Yer. 10:16

Nyikoni Akuj a Yakob nen, anerae iŋes etiyauni ŋiboro daadaŋ ka erae ŋituŋa a Isirael ŋulu keŋ, erae ekiro keŋ Ekapolon ŋolo a ŋajoresyo.”

Dan. 3:29

Aŋun, alimu ayoŋ ŋakiro nu: Ituŋanan daadaŋ, kori ŋakwapin, kori ituŋanan a aŋajep adio, ŋulu iyanyete Akuj a Sadirak, Mesak ka Abedinego, etubutubooryo ŋakejen ka ŋakan ka ituworyo akai keŋ ŋamoru ŋuna etukosi koŋin, anerae emam akuj ace ŋina epedori alakun lopite lo.”

Ŋikis. 3:24

“Okoe Ekapolon Akuj, isyak iyoŋ akitoodikin ayoŋ eketiyan kon apolou ka apedor kon. Akuj ani ŋina alokidiama, kori alokwap epedori akitiya ŋiticisyo ŋulu ka apedor a ŋina apolon lopite ŋolo itiyaa iyoŋ?

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?