Ŋikiru. 86:5 - Ebaibul

⁵ Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Ŋikiru. 86:5 Iomraidhean Croise

Neem. 9:17

apotu ikes toŋero akiwuap ŋakiro kon, nyemitakis ŋaumonokineta ŋuna itiyat iyoŋ alokidiŋ kec, nai apotu ikes kitogogoŋo ŋakyes kec, kiitana aboŋor napitoonut kec alo Ijipit. Nai irae iyoŋ Akuj ŋina itenit akisyon, Akuj ŋina ejok ka isyoniono, ŋina nyeŋoi atipei ka ŋina elal amina, ŋina nyiryaŋiryaŋa, ido ibu iyoŋ nyiŋer ikes.

Ŋikiru. 103:3

Isyoniyenene Ekapolon ŋasecisya kaŋ daadaŋ, eketaŋaleununui iŋes ayoŋ alodekesyo kaŋ a daadaŋ;

Ŋikiru. 103:8

Isyoniono Ekapolon ka erimaana nyepatana iŋes akiŋo, epol amina keŋ ŋina nyiryaŋiryaŋa.

Ŋikiru. 119:68

Ijok iyoŋ, ido ejokak ŋuna itiyae iyoŋ; kitatamae ayoŋ ŋakiro ŋuna itubunit iyoŋ.

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Ŋikiru. 130:7

Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

Ŋikiru. 145:18

Eapi Ekapolon aneni a daadaŋ a ŋulu enyaraete iŋes, a ŋulu enyaraete iŋes anakiyookino kec.

Ŋikiru. 25:8

Ejok ka iyookino Ekapolon; aŋun, itatami iŋes ŋikasecak akiwuap ŋakiro keŋ.

Ŋikiru. 36:7

Ejok nooi amina kon ŋina nyiryaŋiryaŋa, okoe Akuj! Eryamunete ŋituŋa daadaŋ aiuno aneni kon lopite ŋolo eiunotor ŋicwi anabebenuk a toto kec.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 52:1

Kaanukiro ituror iyoŋ aŋuna ka aronis, iyoŋ ekile lo ŋolo igogoŋ akilo? Erae Akuj ŋina esyonion ŋikaru ka ŋikaru.

Ŋikiru. 69:14

Toiunae ayoŋ anatwanare; kiyokoi ayoŋ ejok alomoe kaŋ, toiunae ayoŋ nyaloma nakibois a ŋikatwak.

Ŋikiru. 69:16

Okoe Ekapolon, toboŋokinoe ayoŋ, anerae ejok amina kon ŋina nyiryaŋiryaŋa; alotooma akisyon kon ŋina apolon nooi, kiŋarakinae ayoŋ.

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Awos. 34:6

Kitor Ekapolon kiŋaren a Moses iserae ekiro keŋ ebala, “Ekapolon, Ekapolon, Akuj ŋina esyonion ka ŋina ajokan nooi, ŋina nyepatana akiŋo, Akuj ŋina eyakar amina ŋina nyiryaŋiryaŋa ka akikinyoma ŋina apolon nooi,

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Esek. 36:33

“‘Alimu Ekapolon Akuj atemar, akoloŋit ŋina eketaleunio ayoŋ iyes anasecisya kus a daadaŋ, ewuakini nabo ayoŋ ŋituŋa kiboikinos lotaunio ka edukokinio nabo ŋakiboisyo ŋuna apotu toruwor ŋakoŋinae.

Esek. 36:37

“Alimu Ekapolon Akuj atemar, acamakini daŋ ayoŋ Ŋisirael ekeŋita ayoŋ etiya nu aŋuna kec; akiyatakin ekimar kec tolalaar nooi ikwa esipan a ŋamesekin.

Dan. 9:9

“Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Yoel 2:13

Tokodosi ŋitai kus, nyicila ŋilowi kus. Toboŋutu neni ke Ekapolon Akuj kus, anerae ejok iŋes ka isyoniono, nyeŋoyenene atipei, epol nooi amina keŋ ŋina nyiryaŋiryaŋa, etenit iŋes jwi jwi akisyon akilo akisican.”

Yona 4:2

Kilip Yona neni ka Akuj tema, “Okoe Ekapolon, meere mono ŋakiro nu alimunit ayoŋ eriŋa ayai nakwap kaŋ a? Meere mono ikes apotu eketodokis ayoŋ Tarisis ekiŋaren a? Anerae ayeni ayoŋ atemar irae iyoŋ Akuj ŋina ka ajokis, ŋina esyonon, ŋina nyiŋoi atipei, ŋina epol arimao ka ŋina epatana akimyekin akisican.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Ŋitic. 2:21

Ido nai ituŋanan daadaŋ ŋini enyarit ekiro ŋolo ke Ekapolon, eiunio.’

Ŋiep. 2:4

Nai epol nooi akisyon ŋina ka Akuj ka epol nooi amina keŋ ŋina ikiminar iwon: