Ŋikiru. 85:12 - Ebaibul

¹² Ikiinakini Ekapolon ibore ŋini ejok, ido tora akwap yok ŋikinyom ŋulu alalak.

Ŋikiru. 85:12 Iomraidhean Croise

Ŋikiru. 67:6

Akoko ŋikinyom ka akwap eyatakin; Akuj ŋina erae Akuj yok iŋes ikiterereŋ iwon.

Ŋikiru. 72:16

Elipi tolalata nooi ŋikinyom anakwap keŋ, elipi kigoonoto ŋaraito alokamukumukui elipi kikokis ŋaraito ka akwap keŋ ŋuna ka akwap a Lebanon; elipi tolalata ŋituŋa alotaunio ka akwap keŋ, lopite ŋolo elalaata ŋinya anariet

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Isa. 32:15

akitodol akoloŋit ŋina iyakuunia Akuj etau alokidiama neni yok, ido eruwor aloŋisat akibois ŋina eya ŋimanikorin ŋulu araak ŋaraito ka ikwaanikin emanikor ŋolo araan ŋol ka amoni.

Isa. 45:8

“Okoe nakuj, tobuku akiyookino, emaikina kidiama tobuku akiyookino kwap, emaikina akwap toŋaar aŋuna ka akiyookino, ikotere aiuno eyakaun emam ŋace, emaikina aiuno yau tari akiyookino; ayoŋ Ekapolon etiyau ŋun toyakaun.

Ŋilep. 25:19

Ebuni nai akwap akira ŋaraito keŋ, kimuja nai kimwoko, ido kiboiyoto emam ŋace.

Ŋilep. 26:4

akainakini ayoŋ iyes akiru anapakio aŋuna emaikina toyakaunor, ido tora akwap ŋaraito keŋ, toraa ŋikito ŋaraito kec.

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Sakar 8:12

Itaete ikes ŋikinyom kec anakinapakina. Eraete ŋikito ke epiini, itokoni akwap ŋikinyom, ido eyakaun akiru ŋina alalan. Ainakini ayoŋ ŋarereŋisyo ŋun daadaŋ lotuŋa ŋulu ka akwap kaŋ ŋulu apiyanun.

Mat. 13:23

Isikwaanitae ŋikinyom ŋulu adoete nalup ŋuna ajokak ka ŋituŋa ŋulu iirarete akirot toyenut. Ŋul ikes kire erayete ŋikinyom, ŋice amiat, ŋice ŋatomonikanikapei, ka ŋice ŋatomoniuni.”

Mat. 13:8

Todoto ŋice nalup ŋuna ajokak toraa ŋaraito, ŋice amiat, ŋice ŋatomonikanikapei ka ŋice ŋatomoniuni.

Ŋitic. 2:41

Tonupa ŋituŋa ŋulu alalak ŋakiro keŋ kibatisae, ido kiyatakin lokanupak ŋituŋa ŋulu adolito ŋalipyo ŋauni akoloŋit ŋin.

Ŋitic. 21:20

Ani kiirasi ikes erwor a Paulo, kipuro ikes Akuj. Temasi nai ikes daadaŋ neni a Paulo, “Lokaato, kiŋolik iyoŋ epite ŋolo alo Yerusalem a ne: eyakasi Ŋiyudayan ŋulu edolito ŋalipyo, ŋulu aruworosi ŋikanupak a Yesu. Tari kikote neni, iricakinito ikes daadaŋ Ŋikisila a Moses.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.