Ŋikiru. 84:9 - Ebaibul

⁹ Okoe Akuj, kiyok erwosit kosi, kiyok ka amina eseuna kon.

Ŋikiru. 84:9 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

2 Sam. 23:1

Arae Daudi lokoku a Yese ekile ŋolo abu Akuj kitopoloo. Abu Akuj a Yakob toseu iŋes aruwor erwosit, ido Daudi iŋes abu totamununu ŋieosyo aŋuna a Ŋisirael. Ŋakiro a Daudi ŋuna esidyok ikes nu ebe,

2 Ŋakiro a ŋirwa 6:42

Okoe Ekapolon Akuj, nyiŋer erwosit ŋolo idau iyoŋ aseun. Totamunite amina ŋina ibu iyoŋ toyakar aŋuna a eketiyan kon Daudi.”

Ŋikiru. 132:17

Sion iŋes eturuworya ayoŋ epei a ŋipapae a Daudi erwosit ŋolo apolon nooi; Sion iŋes eturubakinia ayoŋ apukan ŋina a ŋolo abu ayoŋ oseu ikwapei erwosit.

Ŋikiru. 17:1

Okoe Ekapolon, topupok kare ca ŋakiro kaŋ nu ŋuna iyookino; kiira kare ca akigworo kaŋ; kiira akilip kaŋ ŋina elipi ayoŋ emam alyokonu.

Ŋikiru. 2:2

Acunakinosi ŋirwosi ŋulu ka akwap acunakinosi ŋikepukak iwapei akitepeg Ekapolon ka erwosit ŋolo aseu iŋes, ebasi,

Ŋikiru. 2:6

“Ewuak ayoŋ erwosit kaŋ Sion, lomukura kaŋ ŋolo asegan.”

Ŋikiru. 3:3

Nai okoe Ekapolon, iyoŋ irae aupal ŋina ipakarit ŋican kaŋ, iyoŋ ikiinakini ayoŋ akiloun iyoŋ ikinyakakini ayoŋ atitinyu.

Ŋikiru. 59:11

Nyiar ikes Akuj, anerae acepaki ejoŋoete ŋituŋa kaŋ atamunit epite ŋolo isicania iyoŋ ikes; anapedor kon, kimyek ikes kirimo akwap, ido kituruwo ikes ŋicaryo, okoe Ekapolon ekeyokon kosi.

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋikiru. 89:20

Aryamu ayoŋ Daudi eketiyan kaŋ; eosak ayoŋ iŋes akimyet kaŋ ŋina asegan.

Ŋikiru. 98:1

Toeikisi eete ŋolokitete neni ke Ekapolon; anerae etiya iŋes ŋuna ka aumokin. Elou iŋes a apedor keŋ ka a agogoŋu keŋ a ŋina asegan.

Ŋitic. 4:27

Anerae kire alotaun a lo, apotu Erode ka Ponitio Pilato ka ŋibukui ŋulu pa arae Ŋiyudayan ta ŋituŋa ŋulu a Isirael kitepega Yesu, eketiyan kon ŋolo asegan ŋolo ibu iyoŋ kituruwo Messia.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.

1 Sam. 16:6

Ani edolunete ŋituŋa neni a Samuel, kitek Samuel Eliab totamak ebe, “Kire jik, ŋolo ewoi alokiŋaren Ekapolon ŋol erae eseuna a Ekapolon.”

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”