Ŋikiru. 81:8 - Ebaibul

⁸ Kiirasi, okoe ŋituŋa kaŋ, apaki na ŋina ekeyayakinitor ayoŋ iyes; okoe Ŋisirael, acamit ayoŋ iyes ikiirasi ayoŋ erae kipedorete!

Ŋikiru. 81:8 Iomraidhean Croise

Ŋikiru. 50:7

“Topupokisi, okoe ŋituŋa kaŋ, ido erworikini ayoŋ. Okoe Ŋisirael, alimuni ayoŋ ŋakiro ŋuna eketoroniyaritor iyes. Arae ayoŋ Akuj, Akuj kus.

Ŋikiru. 81:13

Okoe, anica kiirasi ŋituŋa kaŋ ŋuna abala ayoŋ, anica kiwuapa Ŋisirael ŋuna abala ayoŋ!

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 17:7

Tolimok Moses ŋirorwa a akibois a ŋin Masa anerae apotu Ŋisirael kisiburata ka kikatakis Ekapolon a nen kiŋita temasi, “Eyai mono Ekapolon kaapei ka iwon, kori mam?”

Awos. 19:16

Ani taparacu edoli akoloŋit ŋina apeniata ŋirwa ŋiuni, toyakaun agiro ka akimilyaa, ido min edou ŋolo pa acaor kidiama emoru. Toru arupepe ŋina arwo nooi ŋina apotu ŋituŋa daadaŋ kiirasi analomar tomaranikis.

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Ekim. 20:13

Arae ŋun ŋakipi a Meriba neni aponiata Ŋisirael kiŋuruŋura neni a Ekapolon ka neni abunio Ekapolon kitoodiunia apedor keŋ ŋina asegan.

Yoa. 3:11

Akalimokini ayoŋ iyoŋ kire atemar, ikirworo isua ŋuna ikiyeni ka ikiteyenunit daŋ ŋuna ikianyu, nai nyicamunito iyes ŋuna ikiteyenunit isua.

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋikis. 32:46

tolimok ikes tema, “Kirica alotai kus ŋakiro daadaŋ ŋuna akalimok ayoŋ iyes nakoloŋit na akisuuda ŋakiro kus; tolimokisi ikes erae akiciket neni a ŋidwe kus ikotere iwuapyata ikes ejok ŋakiro daadaŋ ŋuna a ŋikisila.

Ŋikis. 5:27

Tolot diyete Ekapolon, iyoŋ elope kiira daadaŋ ŋuna elimuni Ekapolon Akuj kosi; tosodi ikilimok iyoŋ isua ŋuna daadaŋ, ikilimokini Ekapolon Akuj yok iyoŋ, ido iiraryo isua ka itiyao ŋuna elimuni iŋes.”

1 Yoa. 5:9

Ikinupit akiteyenunet ŋina a ituŋanan, nai akiteyenunet ŋina ka Akuj iŋes egogoŋ nooi ka ainaki iŋes akiteyenunet ŋin aŋuna a Lokoku keŋ.