Ŋikiru. 81:12 - Ebaibul

¹² Aŋun, abu ayoŋ emyek ikes kiwuapa ŋuna acamito ŋitai kec ŋulu esyaak, kiwuapa ŋuna acamito ikes ŋikulepek.

Ŋikiru. 81:12 Iomraidhean Croise

Akisy. 6:3

Tema Ekapolon, “Nyerubakini etau kaŋ iboi aneni a ŋituŋa ŋikaru ka ŋikaru, anerae etwaneneete ikes. Nyedeparete ŋikaru kec amiat ka ŋatomoniarei.”

2 Ŋirw. 18:12

Etiyakinosi ŋakiro ŋun, anerae apotu Ŋisirael towout akiirar ŋakiro ke Ekapolon Akuj kec. Toŋero akiwap acamunet keŋ. Ŋakiro daadaŋ ŋuna aris Moses eketiyan ŋolo ke Ekapolon kicikak ikes, apotu ikes towout akiirar, kori akiwuap.

Neem. 9:16

“Nai apotu atapapaa kosi kiturokinos, tosodo kitogogo ŋakyes kec ka nyiwuap ŋakiciketa kon;

Yob 8:4

Ani kesecito ŋidwe kon aneni keŋ, abu Akuj kipotok ikes nakisicanio aŋuna a ŋaronisya a ŋunapei etiyato ikes.

Awos. 11:9

Tema Ekapolon neni a Moses, “Nyepupokini Parao ŋakiro kon, anerae emaikina ŋaumonokineta kaŋ tolalata anakwap a Ijipit.”

Isa. 30:1

Irworo Ekapolon ebala, “Okoe iyes ŋidwe ŋulu aŋerok, ŋulu eyeete ŋakiro, nai meere ŋuna kaŋ, iyes ŋulu icamununosi, nai anakimanit ŋuna acamit ayoŋ;

Isa. 30:9

anerae erae ikes ŋituŋa ŋulu aŋerok, ŋidwe ŋulu emam akikinyomit eyakatar, ŋidwe ŋulu nyepupete ŋakiro ŋuna itatami Ekapolon,

Isa. 42:24

Ŋae epotokini ŋiletok a Yakob neni a ŋikenyasak ka ŋae epotokini ŋiletok a Isirael neni a ŋikademanarak? Pa mono arae Ekapolon ŋolo aponi iwon tosecae neni keŋ a? Ekapolon ŋolo apotu ikes toŋero akiwuap ŋakiro keŋ ka ŋolo apotu ikes nyiwuapa ŋikisila keŋ a?

Yer. 42:21

Aŋun, akalimok ayoŋ iyes nakoloŋit na ŋakiro ŋuna akalimoki Ekapolon ayoŋ, nai nyiwuapa iyes ŋakiro a Ekapolon Akuj kus, anakiro daadaŋ a ŋuna abu iŋes ekeyakuunia ayoŋ alimokin iyes.

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Esek. 20:8

Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Osea 9:17

Aŋuna aŋerioto ikes akiirar ŋakiro a Ekapolon Akuj kaŋ, eŋeri Akuj kaŋ daŋ ikes, eruworosi ikes ŋikerimitok anakwapin.

Ŋilep. 26:14

“‘Nai ani pa kiirasi iyes ŋakiro kaŋ ka pa kiwuap ŋakiciketa kaŋ daadaŋ

Ŋitic. 14:16

Ananyameta a ŋuna amunyarosi, abu Akuj tocamak ŋakwapin akitiya ŋuna acamito.

Ŋitic. 7:42

Ŋakiro ŋun abunio Akuj tomulenio ikes, kimyek ilipete ŋikacer ŋulu alokidiama, ikwapei igiritere lokitaabo ŋolo a ŋikadwarak ebe, ‘Ŋituŋa a Isirael, ipotu mono iyes iyaut ŋamuronisya ka ŋainakineta neni kaŋ ŋikaru ŋatomoniomwon analoŋisat a?

Ŋirom. 1:24

Aŋun, emyek Akuj ikes itiyaete ŋuna aronok ŋuna iitanito ŋitai kec ka itiyaete ŋuna a ŋileec neni kec make.

1 Sam. 8:19

Nai apotu Ŋisirael towout akiirar ŋakiro a Samuel temasi, “Mam! Ikiitanit isua jik aryamun erwosit ŋolo ikipukae isua,