Ŋikiru. 80:19 - Ebaibul

¹⁹ Okoe Ekapolon Akuj ŋina a ŋajoresyo, kinyakunae isua; kisyoni isua ikotere isua ikiiun.

Ŋikiru. 80:19 Iomraidhean Croise

Ŋikiru. 27:4

Ibore ipei ŋini eitanit ayoŋ, ŋini adau ayoŋ akiŋit Ekapolon; iŋes akiboi alo Kai ke Ekapolon ŋirwa daadaŋ ŋulu ka akiyar kaŋ, arubakini ete akibuses ŋina ke Ekapolon ka akiwar acamit keŋ alo Kai keŋ.

Ŋikiru. 27:9

Nyikiesik ayoŋ, nyikiesik ayoŋ eketiyan kon aŋuna ka aŋoit kon, iyoŋ ibu toruwor ekeŋarakiniton kaŋ. Nyikiŋer ayoŋ, nyikimyek ayoŋ, okoe Akuj kaŋ, akaiunan kaŋ!

Ŋikiru. 31:16

Torimaanikinae ayoŋ eketiyan kon, toiunae ayoŋ alotooma amina kon ŋina nyiryaŋiryaŋa.

Ŋikiru. 44:3

Pa apotu ikes kikamasi akwap aŋuna ka ajionu kec, meere tari aŋuna ka agogoŋu kec aponiata ikes kilouniata; nai arae aŋuna ka apedor ka agogoŋu kon ka arae aŋuna iteyenikinitor iyoŋ ikes atemar iyai iyoŋ ka ikes, anerae imina iyoŋ ikes.

Ŋikiru. 80:1

Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,

Ŋikiru. 80:3

Okoe Akuj, kinyakakinae isua ajokis ŋina sek ikiyakar, kisyoni isua, ikotere isua ikiiun.

Ŋikiru. 80:7

Kinyakunae isua, okoe Akuj ŋina a ŋajoresyo; kisyoni isua, ikotere isua ikiiun.

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Ŋikis. 5:32

Aŋun, emaikina iyes pa iŋayaŋayato, kitiya lopite ŋolo adaunia Ekapolon Akuj kus alimun, nyimyekis akitiya ŋuna iyookino alokiŋaren Ekapolon.

Yos. 1:7

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.