Ŋikiru. 80:1 - Ebaibul

¹ Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,

Ŋikiru. 80:1 Iomraidhean Croise

2 Sam. 6:2

Torotokis iŋes ka ŋikilyok ŋul alo Baala a ŋina alo Yudaya akiom Asaduku ŋina ka Acamunet. Enyaritae Asaduku ŋin a ekiro ke Ekapolon a ŋolo Etiron, a ŋolo eyai kidiŋ Ŋisubuna ŋulu a ŋabebenuk ŋulu icekinitae kidiama Asaduku.

2 Ŋirw. 19:15

Kilip Esekia neni ke Ekapolon tema, “Okoe Ekapolon ŋolo irae Akuj a Ŋisirael. Iyoŋ ŋolo iboi alokicoloŋ a ŋolo alokidiŋ Ŋikerubim. Iyoŋ bon irae Akuj a ŋakwapin a daadaŋ. Iyoŋ ibu tosub nakuj ka akwap.

Yob 10:3

Ejok mono aneni kon akisican ayoŋ a? Ejok mono aneni kon ajamuwar esubuna kon a? Ido kitojok ŋuna eyeete ŋulu aronok a?

Ŋikiru. 45:1

Ileleba ŋakiro ŋuna ajokak lotau kaŋ, apaki na ŋina atamya eete aŋuna ke erwosit. Ikwaan aŋajep kaŋ eeo ejok ka akalamu ŋina ke ekegiran a ŋolo etenit.

Ŋikiru. 5:1

Okoe Ekapolon, kiira ŋakiro kaŋ; kiira ŋakiro ŋuna aumenio ayoŋ nooi anaryeba kaŋ.

Ŋikiru. 50:1

Akuj Ekapolon ŋolo etiron, iŋes irworo enyarit akwap daadaŋ ŋinapei alo Kide tari To.

Ŋikiru. 50:2

Ecai Akuj alo Sion, alotaun a ŋolo ibus nooi.

Ŋikiru. 55:1

Okoe Akuj, topupok akilip kaŋ, nyiwou akiŋarakin ayoŋ.

Ŋikiru. 60:1

Okoe Akuj, idau iyoŋ akiŋer isua, iŋoit iyoŋ ŋinapei, okoe toiunae isua.

Ŋikiru. 69:1

Okoe Akuj, toiunae ayoŋ, anerae alalata ŋakipi, adolut lodokole kaŋ.

Ŋikiru. 77:20

Ibu iyoŋ torik ŋituŋa kon ikwa ŋamesekin, ibu iyoŋ torik ikes, inak Moses ka Aron kitena ikes.

Ŋikiru. 78:52

Nai abu yau ŋituŋa keŋ kiŋa alo Ijipit ikwa ŋamesekin; abu kiyok ikes analoŋisat ikwa esipan a ŋamesekin.

Ŋikiru. 78:67

Abu nai Akuj toŋer ŋiletok a Yosepu, abu nyeseu ekabila ŋolo a Epuraim;

Ŋikiru. 80:19

Okoe Ekapolon Akuj ŋina a ŋajoresyo, kinyakunae isua; kisyoni isua ikotere isua ikiiun.

Ŋikiru. 80:3

Okoe Akuj, kinyakakinae isua ajokis ŋina sek ikiyakar, kisyoni isua, ikotere isua ikiiun.

Ŋikiru. 80:7

Kinyakunae isua, okoe Akuj ŋina a ŋajoresyo; kisyoni isua, ikotere isua ikiiun.

Ŋikiru. 94:1

Okoe Ekapolon, iyoŋ Akuj ŋina enyaŋan, iyoŋ Akuj ŋina enyaŋan; kisileereu aŋoit kon.

Ŋikiru. 99:1

Erae Ekapolon Erwosit, aŋun emaikina ŋituŋa ekuryaka aŋuna keŋ. Iboi iŋes alokicoloŋ a ŋolo eyai kidiama Ŋisubuna ŋulu a ŋabebenuk, aŋun emaikina akwap emarani aŋuna keŋ.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 60:1

Okoe ŋituŋa a Yerusalem, tonyoutu, kileereutu, anerae adolu ekaiunan kus ka abu neni kus apolou ŋina a Ekapolon.

Isa. 63:11

Apotu nai ikes totamut ŋirwa ŋulu koloŋ, ŋirwa ŋulu a Moses a eketiyan a Akuj. Ai eyai ŋolo abu kitipeunio ikes ananam kaapei ka ŋikeyokok a ŋamesekin keŋ? Ai eyai ŋolo abu kiwuak etau keŋ ŋolo asegan tooma kec,

Esek. 1:13

Kidiŋ ŋisubuna ŋul ŋulu ayarete, ayai ibore ŋini anoki ikwa ŋatotol, kori ŋatocyo. Alosi akica ŋin kaku ka kiŋaren alokidiŋ ŋisubuna ŋul; akwaŋ akica ŋin kya ka atakanunui akimilyaa anakica a ŋin.

Esek. 10:4

Abu nai akica ŋina ka Akuj tolomu aneni a ŋisubuna a ŋulu a ŋabebenuk, min lopuke ŋolo ka Akai ka Akuj; kilelebun edou Kai ka Akuj ka kilelebun akwaŋis ŋina ka akica a Ekapolon nalapatu ŋina ka Akai ka Akuj.

Esek. 34:23

“Ewuakini ayoŋ ekeyokon epei kiyok ikes, ekeyokon ŋol iŋes Daudi eketiyan kaŋ, itani iŋes ŋamesekin kaŋ, iyokiuni ejok erae ekeyokon kec.

Esek. 43:2

eŋolik ayoŋ a nen akica ŋina ka Akuj a Isirael ebunit alo Kide. Ekwaan eruye keŋ ka ŋolo a ŋakipi a ŋuna alalak a ŋuna ipumasi, abu akica ŋina ka Akuj kinwak akwap.

Dan. 9:17

Aŋun tokona, okoe Akuj kosi, kiira akilip a eketiyan kon ka adyekitoi keŋ ka aŋuna ka akipuryo iyoŋ Ekapolon, kiŋolik anajokis kon akibois kon ŋina asegan ŋina tokona adaun akitisilun.

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Ŋikis. 33:2

Abu iŋes kirwor ŋakiro nu: Abu Ekapolon bu alo Sinai, totakanu neni yok alo Seir, tocau alomoru Paran. Arukito iŋes ka ŋikasegak ŋalipyo ka ŋalipyo, ayakasi teten keŋ ŋajorei keŋ.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.

1 Sam. 4:4

Aŋun, aponi kiyakiyarae ŋituŋa Silo, yaut ŋul alo Silo Asaduku ŋina ka Acamunet ke Ekapolon a ŋolo Etiron, a ŋolo anupito Ŋisirael atemar eyai kidiŋ ŋitorubei ŋulu a Ŋisubuna a ŋulu eya ŋabebenuk a ŋulu aya Nasaduku. Ayakasi apaki ŋin ŋidwe ke Eli ŋulusapa, Opini ka Pineas, neni ayai Asaduku ŋina ka Acamunet ka Akuj.