Ŋikiru. 79:6 - Ebaibul

⁶ Kitoodik anyunyura kon nakwapin ŋuna ikiŋerito iyoŋ, kitoodik anyunyura kon napukasinei ŋuna nyilipete neni kon,

Ŋikiru. 79:6 Iomraidhean Croise

Ŋikiru. 14:4

Emam mono ŋakiro eyenete ŋituŋa daadaŋ ŋulu itiyaete aronis, ŋulu erikasi ŋituŋa kaŋ lopite ŋolo irikaryata ŋamugati, ido nyemisito akilip neni a Ekapolon a?

Ŋikiru. 145:18

Eapi Ekapolon aneni a daadaŋ a ŋulu enyaraete iŋes, a ŋulu enyaraete iŋes anakiyookino kec.

Ŋikiru. 53:4

Emam mono ŋakiro eyenete ŋituŋa daadaŋ ŋulu itiyaete aronis, ŋulu erikasi ŋituŋa kaŋ lopite ŋolo irikaryata ŋamugati, ido nyemisito akilip neni ka Akuj a?

Ŋikiru. 69:24

Tonyunyurikin ikes anaŋoit kon; kimyek anyunyura ŋina ka aŋoit kon todolok ikes.

Isa. 42:25

Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Yer. 10:25

“Tobukok anyunyura kon neni a ŋituŋa a ŋakwapin a ŋulu nyikiyenete iyoŋ ka neni a ŋituŋa a ŋulu nyenyarito ekiro kon, anerae amunayasi ikes ŋiletok a Yakob, amunyasi ŋiletok keŋ, emam ŋini idoŋit nakwap, eturuwosi akibois kec akoŋinait.”

Yer. 25:29

Kiirasi, ageu ayoŋ ayaun ŋican lotaun lo ŋolo enyaritae a ekiro kaŋ, ido ikokinete iyes ipuunosi anakisicanio ai? Nyibucarosi iyes pa ikisicanitae, anerae anyarau ayoŋ ŋituŋa akitijiore ŋituŋa ka akwap a daadaŋ.’

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Yoa. 16:3

Itiyaete ikes ŋun, anerae nyeyenuna ikes Papa kori ayoŋ.

Yoa. 17:25

Okoe Papa ŋolo ka akiyookino! Nyikiyeni iyoŋ akwap kire, nai akayeni ayoŋ iyoŋ; eyenete lu atemar ikiyakuunit iyoŋ ayoŋ.

Ŋitic. 17:23

Apaki ŋina erimoritor ayoŋ etaun kus ka eŋolianak neni ilipyananaata iyes, abu oanyua neni imurotor iyes neni egiritae neni ebala, ‘Neni ka akuj a ŋina nyeyenio.’ Akuj ŋin nai, ŋina ilipete iyes neni keŋ nyiyenete, iŋes tokona eserae ayoŋ ŋakiro keŋ.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

1 Ŋikor. 1:2

ikigirit abaruwa na neni ka atukot a Ŋikristo a ŋina eyai Korinto: neni kus a ŋulu ikityakunitae anakimorikina ka Yesu Kristo, ŋulu ikinyarae aruwor ŋituŋa ŋulu ka Akuj, kaapei ka ŋulu daadaŋ ilipete anakiboisyo a daadaŋ alokiro a Yesu Kristo Ekapolon yok, a ŋolo erae Ekapolon kec ka ŋolo yok.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.