Ŋikiru. 78:36 - Ebaibul

³⁶ Nai erworosi ikes alyokonu neni ka Akuj, amam ŋakiro ŋuna ka akiyookino anakiro kec;

Ŋikiru. 78:36 Iomraidhean Croise

Ŋikiru. 18:44

Apotu ŋituŋa ŋulugelae potu toryediko alokiŋaren kaŋ; apaki ŋinapei eiraryata ŋakiro kaŋ, apotu kiwuapa ŋakiro kaŋ.

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 57:11

Ŋae ikerito ka ikuryanito iyes aŋuna keŋ, ŋini abu ikiinak iyes akirwor alyokonu, ido ikitojoŋo iyes atamunit ayoŋ, kori atamatam aŋuna kaŋ? Meere nai aŋuna abunio ayoŋ eliliŋ apaki ŋina aoyan iŋes iponiata iyes nyikitopoloosi ayoŋ a?

Yer. 42:6

Kejokak kori keroko, ikitiyae isua ŋuna elimuni Ekapolon Akuj kosi ŋina ikiyakiyaritae isua iyoŋ neni keŋ, ikotere emamukaun ŋuna aronok aneni kosi ŋina ikiwuapya isua ŋuna elimuni Ekapolon Akuj kosi.”

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Osea 11:12

Irworosi ŋituŋa a Epuraim alyokonu neni kaŋ alowaetin a daadaŋ, akamodiyanakinete ŋituŋa a Yudaya ayoŋ alowaetin a daadaŋ. Eriŋa ŋituŋa a Yudaya akaŋerito ayoŋ Akuj ŋina Asegan ŋina ekinyoma.

Osea 12:1

Erae ŋakiro daadaŋ ŋuna itiyaete ikes ŋakoŋinae, iwuapito ikes ŋipitesyo ŋulu ka abaŋao apaaran jwii. ido iasete alyokonu ka aryenyeo neni kec, acamunosi ikes ka ŋituŋa ŋulu ka Asiriya, ido iwokonorete akimyet Ijipit.

Osea 12:2

Isitakinit Ekapolon ŋituŋa a Yudaya ka isicani ŋituŋa a Isirael aŋuna a ŋakiro a ŋuna iwuapito ikes, isicani Akuj ikes aŋuna a ŋakiro a ŋuna itiyaete ikes.

Mika 6:12

Eryenyaaka ŋikabarak kon, irworosi ŋituŋa ŋulu iboiyete alotooma kon alyokonu, erae daadaŋ ŋuna irworosi ikes alyokonu.