Ŋikiru. 76:6 - Ebaibul

⁶ Anakiŋenyakinet kon, okoe Akuj a Yakob, apotu ŋaŋolei kaapei ka ŋikametok kec topero alokwap etwakito.

Ŋikiru. 76:6 Iomraidhean Croise

2 Sam. 10:18

Nai apotu tobwaŋas alokiŋaren Ŋisirael, toara ata Daudi Ŋiarameani ŋajorei ŋakanikaarei ŋulu ameto ŋaŋolei ka ŋalipyo ŋatomoniomwon ŋulu alosete a ŋakejen. Apotu ata Daudi toara tari Sobak, ekarikon a ajore a Ŋiarameani, kidoŋok lokiryam nen.

2 Ŋirw. 19:35

Akoloŋit ŋin nakwaare, abu emalaika ŋolo ke Ekapolon tolot neni eboiyoto ŋasigarya ka Asiriya, toar ŋasigarya ŋalipyo amiat ka ŋatomonikanikauni ka ŋikan. Ani taparacu iwalari akwap, torukaut ŋituŋa ŋalyelin make.

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Ŋikiru. 104:7

Ani ieyakini iyoŋ ŋakipi, apotu totyakas; apotu totyakas iirarete etoil kon ŋolo agiro.

Ŋikiru. 18:15

Ekaku aŋun, apotu ŋakadipaalae ŋuna ka anam totakanut, tolemarae ibore ŋini arapit akisyakinet ka akwap. Arae apaki ŋin ŋina ikilyakinia iyoŋ ŋimoe kon, okoe Ekapolon, arae ŋin apaki ŋina iŋenyakinia iyoŋ ŋimoe kon iŋoit.

Ŋikiru. 80:16

Ecunyasi ŋimoe ŋituŋa kon ka amunyasi; elipi tomunya iyoŋ ŋimoe kosi anaŋoit kon.

Awos. 15:1

Apotu nai Moses ka Ŋisirael toeikis eete lo neni ke Ekapolon temasi: “Aeikini ayoŋ neni ke Ekapolon, anerae itopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec Nanam.

Awos. 15:10

Nai ibu iyoŋ kitukut ekuwuam kon, ido abu Anam kilelyaiya ikes. Apotu ikes tosiposi kwap ŋakipi ikwa asuwat ŋina apotyon, apotu ikes tosiposi kwap ŋakipi ŋunacukul nooi.

Awos. 15:21

Toeik Miriam ikes eete lo tema, “Oeikisi neni ke Ekapolon, anerae etopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec nanam.”

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Yer. 51:39

Ani imuete ikes ŋagwe, ainakini ayoŋ ikes ŋagwe etemerak ikes, tari ŋina elakarator, tosodi tojotooros ŋajo ŋuna a jik, nyekyenyut nabo.

Yer. 51:57

Etemerakini ayoŋ ŋikapolok a Babilon ka ŋikasikou keŋ, kaapei ka ŋikepukak keŋ ka ŋulu iwuapito ŋul anapukan ta ŋikajiok keŋ; ejotoorosi ikes ŋajo ŋuna nyekyenyuniata nabo jik ŋikaru ka ŋikaru.” Erwosit, ŋolo erae ekiro keŋ Ekapolon ŋolo a ŋajoresyo, iŋes alimu ŋakiro ŋun.

Esek. 39:20

Inyamete iyes alomesa kaŋ akiriŋ a ŋaŋolei ka ŋina a ŋikametok kec, akiriŋ a ŋikajiok a ŋulu agogoŋok ka ŋina a ŋikabilae a daadaŋ a ŋasigarya.’ ”

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Naum 2:13

Ebala Ekapolon ŋolo a ŋajoresyo neni kon Ninepe, “Akaremokino ayoŋ iyoŋ, ido ecunyakini ayoŋ ŋagaari kon ŋuna iritae a ŋaŋolei topuruut, earyo alojie ŋasigarya kon, alemari ayoŋ ŋiboro daadaŋ ŋulu ibu iyoŋ tolema aneni a ŋulucetuŋa ka nyiiraryo nabo ŋitoilon a ŋikiyakia kon.”

Naum 3:18

Okoe erwosit ka Asiriya, amunyar ŋikapolok ŋulu sek ipukatotor iyoŋ, atwaka ŋikarikok a ŋituŋa kon kire. Ealar ŋituŋa kon lomoru, mam ituŋanan ecununi ikes aina.

Sakar 12:4

Apaki ŋin, ewuakini ayoŋ akuryanu naŋolei ŋuna a ŋimoe a Yerusalem daadaŋ ka esimatimataari ŋikametok a ŋaŋolei a ŋun daadaŋ. Eyoki ayoŋ ŋituŋa a Yudaya, nai etumudukani ŋaŋolei a ŋimoe kec.

1 Sam. 26:12

Aŋun, abu Daudi ya akwara ŋina adupa kwap diyete nakou a Saul ka etwo ŋolo a ŋakipi, torotokis a nen. Mam ituŋanan aanyunit ikes, kori ayeni ŋadi, mam tari ituŋanan abu tokyenyu. Ajotoete ŋituŋa ŋul daadaŋ, anerae kebu Ekapolon kijukak ikes ŋajo ŋuna apotyok nooi.