Ŋikiru. 76:10 - Ebaibul

¹⁰ Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Ŋikiru. 76:10 Iomraidhean Croise

Akisy. 50:20

Tari daŋ ŋina icamitotor iyes akiar ayoŋ, abu Akuj tocamak ŋun, ikotere ŋuna ajokak etakanunete, toiunotor ŋituŋa ŋulu alalak, lopite ŋolo itiyaa Akuj tokona.

Ŋikiru. 104:9

Ibu iyoŋ kiwuak ŋikorin ŋulu nyepedorete ikes akitor, ikotere ikes nyeleleiyasi toburusiyasi akwap nabo.

Ŋikiru. 12:6

Erae ŋakiikineta a Ekapolon ŋakiro ŋuna iyookino, iyookino ikes ikote esilipa ŋolo aliuna ejok; esilipa ŋolo eliitae alokitet ŋarwa ŋuna alalak.

Ŋikiru. 46:6

Ecelasi ŋakwapin, emaranete ŋapukasinei; iretununui Akuj, ido toli akwap.

Ŋikiru. 65:7

Isililiŋene iyoŋ akiruruma ŋina a ŋanamyo, akiruruma ŋina a ŋikaguragurae a ŋakipi a ŋuna ekusi ekuwuam ka ecelet ŋolo ikitepegeta iyoŋ ŋituŋa.

Ŋikiru. 82:8

Tonyou, okoe Akuj, totubok akwap, anerae erae ŋituŋa daadaŋ ŋulu kon.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Mat. 24:22

Nai etuuruwuan Akuj ŋirwa ŋul. Kerae nyituuruwuanit, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Yoa. 19:22

Toboŋok Pilato tema, “Ŋuna adau ayoŋ akigir, adau akigir.”

Ŋirom. 9:17

Anerae ebasi Ŋakigireta abala Akuj neni a Parao ebe, “Abu ayoŋ eketuruwo iyoŋ ekepukan aŋuna a ŋakiro a nupei a nu: akisitiya iyoŋ kitoodiu apedor kaŋ ka akiserakin ekiro kaŋ nakwap daadaŋ.”

Akis. 11:18

Apotu ŋituŋa ŋulu nyenupito Akuj tonyunyura, anerae adolu apaki ŋina ka anyunyura kon, apaki ŋina etubokinere ŋikatwak. Adolu apaki ŋina eropere ŋiketiyak, ŋikadwarak ka ŋituŋa kon daadaŋ ŋulu ikikerito iyoŋ, ŋulu arwok ka ŋulu caryo kaapei. Adolu apaki ŋinamunyaret ŋulu enyasak akwap!”