Ŋikiru. 74:9 - Ebaibul

⁹ Nyeriŋa isua ikiŋolyanakini ŋimacarin ŋulu a ŋitalyo kosi, emam ekadwaran idoŋit epei daŋ, emam ipei daŋ alokidiŋ kosi ŋini eyeni apaki ŋina edaunotor ŋakiro nu.

Ŋikiru. 74:9 Iomraidhean Croise

Awos. 12:13

Eruwor ŋaokot emacar ŋolo itoodiunit ŋakais ŋuna iyes. Ani eŋolikini ayoŋ ŋaokot, alunyar ayoŋ aneni kus, ido mam ŋican eyakaun neni kus apaki ŋina ayaunia ayoŋ akisicanet nakwap a Ijipit.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Esek. 20:12

Abu daŋ ayoŋ oinak ikes akoloŋit ŋina a Sabato ikwapei akoloŋit ŋina itoodiunit acamuna kaŋ ka ikes, ikotere eyenete atemar arae ayoŋ Ekapolon ŋolo abu eturuwo ikes ŋituŋa ŋulu asegak.

Esek. 7:26

Ikiropikinete iyes ŋican, ikiropikinete iyes ŋirworisya ŋulu ka alyokonu; iitanete iyes ayenun alokadwaran ŋakiro ŋuna eponito; edaun esacaradoti ŋakiro ŋuna ikitatami iyes, edaun ŋikasikou ŋakiro ŋuna ikisirworiuniata iyes.

Amos 8:11

“Alimu Ekapolon ŋakiro nu ebe, ‘Kire jik, ebunit apaki ŋina eyakuunia ayoŋ akiitanit nakwap. Meere akiitanit ŋina ka akimuj, kori ŋina a ŋakipi, nai akiitanit ŋina ka akiirar akirot ŋina ke Ekapolon.

Mika 3:6

Aŋun, ŋikadwarak, eapi apaki kus adaun; edoiyori akoloŋ aneni kus, anerae ipotu kitooliyosi ŋituŋa kaŋ, mam nabo iyes akidwar ace, mam nabo nyipedorete iyes ayenun ŋuna eponito.”

Mika 3:7

Irumete ŋikadwarak ŋileec. Nyelakarosi ŋimurok, ituruworyo ikes daadaŋ ŋicaryo, anerae nyeboŋokini Akuj ŋakiro kec.

Ŋibur. 2:4

Nabo abu Akuj daŋ kitoodiu atemar erae ŋun kire alotooma akitiya ŋakitoodikineta ka ŋakujuwuanisya ŋuna egelegelya ka ŋiticisyo ŋulu ka apedor keŋ ka nabo alotooma akoranakin ŋainanakineta ŋuna ke Etau a ŋolo Asegan alopite a ŋolo ecamitor iŋes.

Ŋikat. 6:17

Tema Gideon, “Ani kikiryamunit iyoŋ ayoŋ ajok aneni kon, kitoodikinae ayoŋ akitoodikinet adio oyenunia atemar erae iyoŋ Ekapolon ikirworo ka ayoŋ.

1 Sam. 3:1

Apaki ŋin, eŋarakinit Samuel Eli, etiyanakini Ekapolon. Pa amina Ekapolon alorwa a ŋul akirworo lotuŋa, pa alal Ekapolon atakanianakin neni a ŋituŋa.