Ŋikiru. 74:3 - Ebaibul

³ Kitor nakiboisyo ŋun ŋuna enyasun jik, enyasut ŋimoe kosi ibore daadaŋ alo Kai ka Akuj.

Ŋikiru. 74:3 Iomraidhean Croise

2 Ŋirw. 25:9

Kicunyak Nebusaradan Akai ka Akuj ka akai ŋina a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Neem. 1:3

Okoboŋokis ikes ayoŋ temasi, “Ŋipiya ŋulu eya ama Yudaya, ŋulu aponi nyerikor, eyakasi locan ŋulu apolok ka loleec; aritaasi ŋimoe arwatata ŋina a Yerusalem ka amunaasi ŋipukei keŋ ka akim.”

Neem. 2:13

Abu ayoŋ olot nakwaare, etor lopuke ŋolo enyaritae epuke ŋolo ka Akadipaalat, olunyar alolelya a ŋolo enyaritae Elelya ŋolo ke Etyaŋ a ŋolo adedeŋan tari lopuke ŋolo enyaritae epuke ŋolo a Aoret. Abu ayoŋ esyeme ŋarwatatain ŋuna keponi toritakinae kwap ka ŋipukei keŋ ŋulu keponi tomunaarae a akim.

Neem. 2:3

Olimok ayoŋ erwosit otema, “Elipi torubak erwosit eyari ŋikaru ka ŋikaru! Ikokini ereet kaŋ pa enyorididi, tomunaara etaun ŋolo erae akibois ŋina enukitae atapapaa kaŋ ka tomunaaritetei ŋipukei ka akim ai?”

Ŋikiru. 44:23

Tonyou, okoe ekapolon! Kaanukiro ijotoo iyoŋ? Tonyou! Nyikiŋer isua ŋikaru kaŋikaru.

Ŋikiru. 44:26

Bua kiŋarakinae isua, aŋuna ka amina kon a ŋina nyiryaŋiryaŋa, tolakunae isua.

Ŋikiru. 79:1

Okoe Akuj, apotu ŋituŋa a ŋakwapin akirem akwap kon, amunaasi ikes Akai kon ŋina asegan, abwaŋabwaŋaasi ikes Yerusalem aruwor ŋamoru ŋuna etukosi.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 25:10

Ebuni apedor a Ekapolon ayakaun lomukura lo. “Ipudaaryo ŋituŋa a Moab anakibois kec, lopite ŋolo ipudaere ŋanya anakipany a ŋina ka aoret.

Isa. 61:4

Edukokinete ikes nabo ŋireŋoroto ŋulu koloŋ, ituruworete ikes ŋakiboisyo ŋuna koloŋ aponi toesikinae ŋuna ekitetyaka, esubanakinete ikes nabo ŋitaunio ŋulu aponi kinyasunae; ŋireŋoroto a ŋanyameta a ŋuna alalak.

Yer. 52:13

Kicunyak Nebusaradan Akai ka Akuj ka akai a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Aum. 1:10

Aŋatasi ŋimoe ebari daadaŋ alo Yerusalem. Apotu ŋituŋa a Yerusalem kiŋolikis ŋituŋa a ŋakwapin elomarete tari nakibois ŋina asegan, arae ŋituŋa ŋul ŋulu sek etaleorit Ekapolon alomar natukot a ŋituŋa a Yerusalem.

Dan. 11:31

Epote ŋasigarya ŋuna iyakuunit iŋes, ido toloma nen, tomunaasi ŋaduketa ŋunajiet, itojoŋoete ikes ŋituŋa ayaunun ŋamuronisya ŋuna a ŋinakoloŋit ka eyaunete ikes nen asiilyo ŋina eyauni ekasile.

Dan. 9:17

Aŋun tokona, okoe Akuj kosi, kiira akilip a eketiyan kon ka adyekitoi keŋ ka aŋuna ka akipuryo iyoŋ Ekapolon, kiŋolik anajokis kon akibois kon ŋina asegan ŋina tokona adaun akitisilun.

Dan. 9:27

Iwuakini nai ekarikon ŋol acamunet ŋina agogoŋon ka ŋituŋa ŋulu alalak, acamunet ŋina iboi ŋikaru ŋikanikaarei, ani elunyar atutubet apei ŋina a ŋikaru a ŋul, elemari iŋes ŋamuronisya ka ŋainakineta. Iwuakinio neni sek eayeneneo ikes etorube ŋolo aronon ŋolo asiilyanan ŋolo eyauni ekasile. Erubakini iŋes eyai nen akitodol ŋina emunaarya Akuj ŋini abu kiwuak etorube ŋolo nen, itiyakin ŋun lopite ŋolo etubunitor Akuj.”

Mika 1:3

Kiirasi! Ebunit Ekapolon anakibois keŋ; ebunit iŋes nakwap, ido itori kidiama ŋimoru.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Mar. 11:17

Kisyak Yesu akitatam ebala, “Elimunitoe alotooma Ŋakigireta ebe, ‘Enyarao Akai kaŋ Akai ŋina ilipyata ŋituŋa ŋulu a ŋibukui a daadaŋ,’ nai tokona, ituruwosi iyes iŋes Akai ŋina eŋopitotor ŋikokolak!”

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Yos. 10:24

Ani eyaunio ŋirwosi ŋul neni a Yosua tonyarau Yosua Ŋisirael daadaŋ, tolimok ŋikatukok a ŋajorei ŋulu arukitotor iŋes tema, “Toapuutu ne, kicaka ŋimosiriŋin a ŋirwosi a lu.” Toapuut nai ikes kicaka ŋimosiriŋin a ŋirwosi a ŋul.

Akis. 11:2

Nai, nyipim ŋibarasanin, anerae einakinitae ikes lotuŋa ŋulu nyerae Ŋiyudayan ŋulu ipudaarete etaun ŋolo ka Akuj ŋilapyo ŋatomoniomwon ka ŋiarei.