Ŋikiru. 74:19 - Ebaibul

¹⁹ Nyijalak ŋituŋa kon ŋulu epalag, neni a ŋimoe kec a ŋulu adedeŋak, nyiŋer ŋikaru ka ŋikaru ŋituŋa kon ŋulu isicanitae.

Ŋikiru. 74:19 Iomraidhean Croise

Ŋikiru. 10:12

Tonyou, okoe Ekapolon, okoe Akuj, kisican ikes; toiu ŋulu epalag.

Ŋikiru. 68:10

Apotu ŋituŋa kon kiboikinos nen, ido anajokis kon okoe Akuj, ibu iyoŋ inak ŋikulyak ibore ŋini eitanito.

Ŋikiru. 68:13

Ani iperi iyoŋ nalomarisinei a ŋamesekin, iryamuni ŋitorubei a ŋakuryo ebutakinitae esilipa nabebenuk, kiwuakinitetei egolid ŋolo amilimilan nakopir kec.

Ŋikiru. 72:2

Elipit totubonok iŋes ŋituŋa kon anakiyookino, ido kipuka ŋulu a ŋican anakiyookino.

Ŋikiru. 9:18

Nai etamunit Akuj ikes ŋulu a ŋican jwi jwi, nyedaun akigeno a ŋikulyak aneni ka Akuj ŋikaru ka ŋikaru.

Eete a Ŋie. 2:14

Okoe ŋolominat kaŋ, ani iyai iyoŋ naŋici a ŋatabab ka nagoloi a ŋatabab, kimyekinae ayoŋ eŋolik ereet kon, kimyekinae ayoŋ eira etoil kon, anerae akabobokinit ayoŋ akiirar etoil kon ka akajoikinit ayoŋ akiŋolikin ereet kon.

Eete a Ŋie. 4:1

Okoe ibus iyoŋ nooi ŋinaminat kaŋ, okoe ibus iyoŋ nooi, ileerete ayaaye akitambara ŋakonyen kon ecope. Icurosi ŋitim anakou kon lopite ŋolo icurunotor ŋamee kwap alokamukumukui a ŋulu a Gilead,

Eete a Ŋie. 6:9

nai mam ŋina ikwaanatar ŋina kaŋ, ŋinacope a ŋakonyen ikwa akuri ŋina ajokan nooi, iŋes bon erae ŋinaminat a toto keŋ. Apotu ŋapesur a erwosit ŋuna eitit ka ŋuna pa eitit kipuro iŋes ebasi,

Isa. 60:8

Ataŋae ŋul ŋulu eporete alokidiama esibit ŋidouwon ŋulu elosete alokidiama, ŋulu eporete ikwa ŋakuryo elosete nakais kec?

Sepan. 3:12

Nai emyekini ayoŋ aneni kus, ŋituŋa ŋulu itiditeuna ka ŋulu iyapara, ŋituŋa ŋulu iwarete aiuno aneni kaŋ a Ekapolon.

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.