Ŋikiru. 72:7 - Ebaibul

⁷ Elipi tolalaar akiyookino alorwa a ŋulu ipukator iŋes, elipi torubak ekisil ŋirwa daadaŋ ŋulu ipukator iŋes.

Ŋikiru. 72:7 Iomraidhean Croise

1 Ŋirw. 4:25

Ŋirwa ŋulu epukator Solomon, eboiyete ŋituŋa ŋulu a atutubet a Yudaya ka atutubet a Isirael anakinapakina ameun alo Dan tari Beeriseba. Eboiyete ŋikilyok alotolimon a ŋikito kec aŋulu a epiini ka ŋiboboryo.

1 Ŋirw. 5:4

Nai tokona, akainakinit ayoŋ Ekapolon Akuj kaŋ ekisil alowaetin a daadaŋ, mam emoit, kori ŋace daŋ ŋuna aronok.

Ŋikiru. 92:12

Epitunete ŋulu iyookino lopite ŋolo episyata ŋikito a ŋiŋolya epoloete emam ŋace lopite ŋolo epolooto ŋikito a Cedar ŋulu eya Lebanon.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 60:1

Okoe ŋituŋa a Yerusalem, tonyoutu, kileereutu, anerae adolu ekaiunan kus ka abu neni kus apolou ŋina a Ekapolon.

Isa. 60:22

Tari ekal ŋolo sek edit aneni kec, eruwor ateker, eruwor ateker kec ŋina sek edit akwap apei. Arae ayoŋ Ekapolon, esiyookini ayoŋ ŋun atipei anapaki a ŋina itemokino.

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Sakar 9:10

Ebala Ekapolon ebe, “Alemari ayoŋ ŋagaari ŋuna ke ejie alo Epuraim, alemari ayoŋ ŋaŋolei ŋuna ke ejie alo Yerusalem, amunaari ayoŋ ŋiboro ŋulu isitiyao alojiesyo. Eyauni erwosit kus ekisil nakwapin; ipukae iŋes ameun ananam tari nanam, ameun anaŋolol Eupurate tari nakisalet ka akwap.

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Luk. 1:33

Ipukae iŋes ateker a Yakobo ŋikaru ka ŋikaru, nabo nyedaun Apukan keŋ!”

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Ŋitic. 4:32

Arae atukot ŋina a ŋikanupak ŋina atami ka anupit ŋakiro ŋapei. Amam tari idio ŋini abala arae ŋiboro keŋ ŋulu keŋ ke elope, nai amorete ikes ŋiboro daadaŋ ŋulu ayakatar.