Ŋikiru. 72:15 - Ebaibul

¹⁵ Agasi ayoŋ torubak iŋes eyari jik! Elipi ayoŋ inakinae iŋes egolid ŋolo a Ceba. Elipi ayoŋ kilipete ŋituŋa aŋuna keŋ jwi jwi ido togatunito ŋarereŋisyo aŋuna keŋ apaaran jwii.

Ŋikiru. 72:15 Iomraidhean Croise

1 Ŋirw. 10:10

Inak nai arwosit ŋina a Seba erwosit ŋatalantae amiat ka ŋatomoniarei ŋuna ke egolid, ŋikito ŋulu ekukuny ŋulu alalak ka ŋamoru ŋuna epol egyelit; mam apaki ace ŋina ayaunitere neni a Solomon ŋikito ŋulu ekukuny ŋulu alalak, ŋulu etya ŋulu abu arwosit ŋina a Seba inak erwosit Solomon.

1 Ŋirw. 10:14

Aryamununui Solomon a ŋolokaru egolid ŋolo arae apotis keŋ ŋitalantae ŋamiae ŋakanikapei ka ŋatomonikanikapei ka ŋikanikapei,

2 Ŋakiro a ŋirwa 9:1

Ani iirari arwosit ŋina a Seba arwonu a Solomon, abu bu Yerusalem akikatakin Solomon a ŋakiŋiseta a ŋuna atyoko. Abu arwosit ŋin bu Yerusalem, erukito ka ŋituŋa ŋulu alalak, emeto ŋikaala ŋulu ewokito ŋikito ŋulu akukunyok, egolid ŋolo alalan nooi ka ŋamoru ŋuna epol egyelit. Abu arwosit ŋin bu neni a Solomon, kiyana ka iŋes ŋakiro daadaŋ ŋuna ayakar iŋes.

Ŋikiru. 21:4

Abu iŋes kiŋit akiyar aneni kon, ido ibu iyoŋ inak iŋes; ibu iyoŋ inak iŋes ŋiletok torubakis ipukato ŋikaru ka ŋikaru.

Ŋikiru. 45:4

Alotooma ailiil kon tome aŋole irae ŋolo elounan, aŋuna ka akitogogoŋ ŋuna a kire ka akitub ŋakiro anakiyookino; irae iyoŋ erwosit ŋolo igogoŋ ka itiyae ŋiticisyo ŋulu ka aumokin.

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Isa. 60:6

Eburusiyarete ŋikaala ŋulu alalak akwap kus, epote neni kus ŋitak a ŋikaala ŋulu a Midian ka Epa, epote ŋikaala ŋulu alo Seba daadaŋ neni kus. Iwokunete ikes neni kus egolid ka ekinyate, ido iseraete ŋikametok kec ipurosi Ekapolon.

Mat. 2:11

Tolomasi ikes kai, kiŋolikis ikoku ka toto keŋ Maria, toryediko ikes alokiŋaren keŋ, tomaa, toŋaasi nai ŋicweei kec, tolemikis iŋes ŋainakineta nu: egolid, eminae ŋolo ke ekinyate ka eceminae ŋolo akukunyon nooi.

Mat. 21:9

Tocalut ŋasepico a ŋituŋa ŋuna ayakasi kiŋaren Yesu ka ŋulu ewuapito iŋes ebasi, “Osanna Lokoku a Daudi! Erereŋ ŋolo ebunit alokiro ke Ekapolon! Osanna toyai kidiama nooi!”

Mat. 6:10

Akonipukan bu. Kitiyae acamit kon alokwap, ikwaŋina itiyaere anakuj.

Yoa. 11:25

Tolimok Yesu iŋes tema, “Arae Ayoŋ ayarun ka akiyar, ŋinituŋanan akanupi ayoŋ, eyaruni tari ketwana daŋ.

Yoa. 14:19

Apaki adio cicinyekeŋolikinete nabo ayoŋ ŋituŋa ŋulu ka akwap a na, nai ikiŋolikinete iyes ayoŋ ka aŋuna ayarya ayoŋ, iyarete iyes daŋ.

Yoa. 5:23

ikotere ŋituŋa daadaŋ tokerito Lokoku ikwa ekeritotor Papa. Iŋes ŋini nyekerit Lokoku, nyekerit tari Papa ŋolo abu kiyaku iŋes.

2 Ŋikor. 13:14

Toyai neni kus daadaŋ ajokis ŋina ke Ekapolon Yesu Kristo ka amina ŋina ka Akuj ta akimorikina ŋina ke Etau a ŋolo Asegan.

Ŋipil. 2:11

ka itemokino daadaŋ tocamut alimor atemar erae Yesu Kristo Ekapolon. Alopite a lo itopolooryo Akuj Papa.

1 Ŋites. 3:11

Ikilipi Akuj Papa elope ka Ekapolon yok Yesu, kitemonok erot aŋuna kosi, ikotere todolunoe isua neni kus!

2 Tim. 4:22

Toyai Ekapolon lotau kon! Toyai neni kus daadaŋ ajokis ŋina ka Akuj.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

1 Yoa. 1:2

Ŋina esileereunere akiyar ŋin, ikipotu isua oanyuwasi iŋes ka ikiteyenunit ŋuna keŋ ka ikiserae neni kus akiyar ŋina nyedaun, ŋina aya kaapei ka Akuj Papa, ŋina aponi kisileereunoe neni kosi.

Yud. 1:25

Neni keŋ, a ŋolo erae Akuj ŋina donupei, Ekaiunan yok alotooma Yesu Kristo Ekapolon yok, toyai akipuro, apolou, agogoŋu ka apedor, tari eriŋa nyesubuna akwap, tokona ka ŋikaru ka ŋikaru! Amen.

Akis. 1:18

Arae ayoŋ ŋolo ayari; abu ayoŋ otwana, nai tokona ayari ŋikaru ka ŋikaru! Ayoŋ epukat atwanare ka akwap ŋina a ŋikatwak.