Ŋikiru. 72:1 - Ebaibul

¹ Okoe Akuj, inak erwosit totub ŋakiro anakiyookino ka inak akiyookino neni a erwosit kosi.

Ŋikiru. 72:1 Iomraidhean Croise

2 Sam. 23:3

Adau Akuj a Isirael akirwor neni kaŋ, akalimoki ayoŋ ataaba a Isirael ŋakiro ebe, ‘Ani kipuka ituŋanan ŋituŋa anakiyookino, ani kipuka anakitopoloorit Akuj,

1 Ŋirw. 1:39

Ani edolete ikes nen, tolemu esacaradoti Sadok amomwara ŋina eyai akimyet alo eema, ido kiosak akimyet neni a Solomon. Tokutakis nai arupepe, temasi ŋituŋa daadaŋ “Ikigasi isua torubak erwosit Solomon eyari.”

1 Ŋirw. 3:9

Aŋun inakinae ayoŋ eketiyan kon ŋatameta ŋuna eyenete ŋakiro ŋuna ka akipuka ŋituŋa kon, ikotere oyenunia ŋuna ajokak ka ŋuna aronok; anerae ŋae epedori akipuka ŋituŋa kon lu ŋulu alalak?”

1 Ŋakiro a ŋirwa 18:14

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

1 Ŋakiro a ŋirwa 22:9

Kiira, iuruuni iyoŋ ikoku ŋinisapat, eruwor iŋes ekile ŋolo emina ekisil. Ainakini ayoŋ iŋes kisila ka ŋimoe keŋ daadaŋ alowaetin ka akwap keŋ a daadaŋ; enyarao ekiro keŋ Solomon, ainakini ayoŋ iŋes ekisil ka akinapakina alo Isirael ŋirwa ŋulu ipukator iŋes.

1 Ŋakiro a ŋirwa 29:19

Inak Solomon lokoku kaŋ kiwuap anacamit a ekeetau a daadaŋ ŋakiciketa kon, ŋakiro ŋuna itubuni iyoŋ ka ŋikisila kon, ido kitiya ibore daadaŋ aŋuna ka adukokin Akai kon ŋina adau ayoŋ alemun ŋiboro ŋuluduket.”

2 Ŋakiro a ŋirwa 1:10

Inakinae ayoŋ aosou ka ayenut, ikotere apedori akirik ŋituŋa lu, anerae ŋae epedori akipuka ŋituŋa kon lu ŋulu alalak?”

Ŋikiru. 127:1

Ani pa kerae Ekapolon edukit akai, erae etic a ŋikadukok ecaryoit. Ani pa arae Ekapolon ite etaun, erae etic a ŋiketeok etaun ŋol ecaryoit.

Isa. 11:2

Eyakaun etau ŋolo ke Ekapolon neni keŋ, eyakaun etau ŋolo ka aosou ka ayenut neni keŋ, eyakaun etau ŋolo esirworiunan ka ŋolo ka apedor neni keŋ, eyakaun etau ŋolo ka ayenut ka ŋolo ka akitopoloorit Akuj neni keŋ.

Yoa. 3:34

Ŋolo iyakuunit Akuj, iŋes irworo ŋakiro ŋuna ka Akuj, anerae ilelebikinit Akuj Etau ŋolo Asegan neni keŋ, pa ipimim.