Ŋikiru. 71:20 - Ebaibul

²⁰ Ikisiŋolik iyoŋ ayoŋ ŋican ŋulu alalak ŋulu apipilak; ikisimukekini iyoŋ ayoŋ nabo; ikiuryari iyoŋ ayoŋ ikotere nyatwana.

Ŋikiru. 71:20 Iomraidhean Croise

2 Sam. 12:11

Irworo Ekapolon ŋakiro nu, eketeryamuni ayoŋ iyoŋ ŋican alotuŋa a ŋulu a ekal kon ke elope; ido alemari ayoŋ ŋaberu kon ite iyoŋ, epotok ikes neni a ekidunyet kon, kiryamakinos ka iŋes naparan pa eŋopito a iwadio.

Ŋikiru. 119:25

Aperi ayoŋ anapuwa arae ŋolo ekeloun; inakinae ayoŋ agogoŋu nabo alotooma akirot kon.

Ŋikiru. 138:7

Tari daŋ kayai ayoŋ locan, ikiiunit iyoŋ ayoŋ iretakinit iyoŋ ka apedor kon anyunyura a ŋimoe kaŋ a ŋulu ekemanito ayoŋ. ikiunit iyoŋ ayoŋ a apedor kon.

Ŋikiru. 16:10

anerae nyikimyekini iyoŋ ayoŋ anakibois a ŋikatwak, kori nyicamakini iyoŋ eketiyan kon ŋolo seuna ebosi.

Ŋikiru. 60:3

Iteryamu iyoŋ ŋituŋa kon ŋican ŋulu atyonok; ikiinak iyoŋ isua akiteritero esibit ikirae ŋikamerak.

Ŋikiru. 60:5

Toiunae isua, anagogoŋu kon, kiŋarakinae isua, ikotere elakunio ŋulu imina iyoŋ.

Ŋikiru. 80:18

Nyikiŋeri nai isua iyoŋ jik; kiteyarae isua, ido ikipuri isua iyoŋ.

Ŋikiru. 85:6

Nyikirimakini mono iyoŋ isua nabo, ikotere ŋituŋa kon elelyanete aŋuna kon a?

Ŋikiru. 86:13

anerae epol nooi aŋuna kaŋ amina kon ŋina nyiryaŋiryaŋa; idau iyoŋ alakun ayoŋ anakibois a ŋikatwak.

Ŋikiru. 95:4

Ipukat iŋes akwap daadaŋ, ameun alokwap ŋalup nooi tari nauni a ŋimoru daŋ.

Isa. 26:19

Eyarunete ŋituŋa kus ŋulu apotu totwaka, eyarununete ŋawat kec. Okoe iyes ŋulu ikinukitae nalup, tonyoutu, toeikisi aŋuna ka alelyanu. Ikwaanikin ayarun kus ka ŋakopi ŋuna ekilikilete taparacu, ipuduni akwap ŋulu elomarito nalup.

Isa. 38:17

Kire, arae aŋuna ka alakara kaŋ iŋes ayakar ayoŋ apodo ŋina apolon; nai ibu iyoŋ nyikimyek ayoŋ otwana oloma nakipany ŋina ka akinyasuno, anerae imana iyoŋ ŋasecisya kaŋ daadaŋ kau kon.

Yona 2:6

Abu ayoŋ odol tari kwap ŋimoru; okogolok akwap Kwap keŋ ŋikaru ka ŋikaru. Nai iyoŋ Ekapolon Akuj kaŋ, ibu ikinyaku ayoŋ a nen ayari,

Mar. 15:34

Ani edoli ŋisaae ŋikanikaomwon, kiworou Yesu a etoil a ŋolo apolon tema, “Eloi, Eloi, lama sabakasani?” Akeepolou iŋes atemar, “Akuj kaŋ, Akuj kaŋ, kaanukiro ikiesikinia iyoŋ ayoŋ?”

Ŋitic. 2:24

Nai abu Akuj kiteyaru iŋes alokatwak; tolacu iŋes anapipilu a ŋina ka atwanare, anerae pa apedori atwanare akien iŋes.

Ŋiep. 4:9

Nyo mono apolou a ŋakiro a ŋuna ebasi, “Ani elosi iŋes kidiama”? Apolou kec atemar abu iŋes ekiŋaren bu kwap kiporo tari nakibois ŋina a ŋikatwak.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.

1 Sam. 2:6

Earenene Ekapolon ka iteyarununui; eayenene ŋituŋa nakibois a ŋikatwak, ido inyakununui ikes a nen.