Ŋikiru. 71:19 - Ebaibul

¹⁹ Okoe Akuj, edolit akiyookino kon kidiama nooi, itiya iyoŋ ŋiboro ŋulu apolok nooi. okoe Akuj, ŋae ikwaanatar iyoŋ?

Ŋikiru. 71:19 Iomraidhean Croise

Yob 5:9

Itiyae Akuj ŋakiro ŋuna ka aumokin ŋuna nyepedoryo iwon ayenun, itiyae iŋes ŋuna ka aumokin ŋuna nyimarunun.

Ŋikiru. 139:6

Aosou ŋina ikoni ŋin, erae ŋina ka aumokin aneni kaŋ; epol nooi, nyapedori ayoŋ aryamun.

Ŋikiru. 35:10

A etau kaŋ a daadaŋ, atemari ayoŋ ebe, “Okoe Ekapolon, ŋae ikwaanatar iyoŋ? Iununui iyoŋ ŋulu epalag aneni a ŋulu egogoŋ akilo ikes, iununui iyoŋ ŋulu epalag aneni a ŋulu edemanarete ikes ŋiboro kec.”

Ŋikiru. 36:7

Ejok nooi amina kon ŋina nyiryaŋiryaŋa, okoe Akuj! Eryamunete ŋituŋa daadaŋ aiuno aneni kon lopite ŋolo eiunotor ŋicwi anabebenuk a toto kec.

Ŋikiru. 57:10

anerae epol nooi amina kon ŋina nyiryaŋiryaŋa, edolit tari kidiama; edolit akikinyoma kon tari lodouwon.

Ŋikiru. 72:18

Akipuro toyai neni ke Ekapolon Akuj, Akuj ŋina a Isirael, iŋes bon itiyae ŋiticisyo ŋulu ka aumokin.

Ŋikiru. 86:8

Okoe Ekapolon, emam anakujo akuj ŋina ikwaan ka iyoŋ; mam ŋiticisyo ikwaan ka ŋulu kon.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Ŋakit. 15:24

Ilereete aneni a ŋulu iyookino ŋuna iwuapito ikes erae ŋuna einakinete ikes akiyar, ikotere ikes nyelot nakibois a ŋikatwak.

Ŋakit. 24:7

Erae aosou ibore ŋini etamete ŋibaŋaanotin atemar nyepatana aryamun, nyirworyanakinete ikes eyakae lotemu neni ianere ŋakiro ka akwap.

Isa. 40:18

Anibore nai isikwaanikineta iyes Akuj, kori anibore eyakatar ŋasima keŋ?

Isa. 40:25

Ebala Ekapolon ŋolo asegan ebe, “Ŋae nai tokona ikisikwaanikineta iyes ayoŋ? Kori ŋae ikiriyan ka ayoŋ?

Isa. 5:16

Nai itopoloryo Ekapolon ŋolo a ŋajoresyo anakitub ŋakiro anakiyookino, ka itoodiunit Akuj ŋina Asegan asegis keŋ anakiyookino.

Isa. 55:9

Ikwapei elwania kidiama alokwap, elwaka ŋuna ewuapit ayoŋ aneni a ŋuna iwuapito iyes ka nyeriyan ŋatameta kaŋ ka ŋuna kus.

Yer. 10:7

okoe erwosit a ŋituŋa a ŋakwapin, ŋae nyikikerit iyoŋ, anerae emaikina ikikeritae iyoŋ alokidiŋ ŋikaosok anakwapin ka anapukasinei kec a daadaŋ, mam ituŋanan ikwaan ka iyoŋ.

Luk. 1:49

anerae Akuj ŋina ka apedor eketiyak ayoŋ ŋakiro ŋuna apolok, eseg ekiro keŋ.

Ŋikis. 3:24

“Okoe Ekapolon Akuj, isyak iyoŋ akitoodikin ayoŋ eketiyan kon apolou ka apedor kon. Akuj ani ŋina alokidiama, kori alokwap epedori akitiya ŋiticisyo ŋulu ka apedor a ŋina apolon lopite ŋolo itiyaa iyoŋ?