Ŋikiru. 71:1 - Ebaibul

¹ Okoe Ekapolon, abunit ayoŋ neni kon aryamun aiuno; nyikimyek ayoŋ ekesurumyo ŋileec.

Ŋikiru. 71:1 Iomraidhean Croise

2 Ŋirw. 18:5

Ekinyomit Esekia Ekapolon Akuj ŋina a Ŋisirael, amam ice ŋini ekwaanatar iŋes alokidiŋ ŋirwosi a Yudaya daadaŋ ŋulu epukato ekaku keŋ, kori daŋ aneni a ŋulu epukato eriŋa iŋes.

1 Ŋakiro a ŋirwa 5:20

Abu Akuj kiŋarak ikes akitijiore ŋituŋa ŋul, kimyek Akuj Ŋiagiri ka ŋulu ariitotor ereunio, anerae apotu ŋikajiok ŋulu adedeŋak ŋul kilipa neni ka Akuj alojie, ido abu Akuj inak ikes akiloun aŋuna ekinyomitotor ikes Akuj.

Ŋikiru. 125:1

Ikes ŋulu ikinyomito Ekapolon, ikwaan ka emoru Sion, ŋolo emam ibore iryaŋiryaŋanakini, nai itiirae jik ŋikaru ka ŋikaru.

Ŋikiru. 146:5

Elakara ŋulu iŋarakinit Akuj a Yakob, ŋulu eyai akigeno kec neni ke Ekapolon Akuj kec,

Ŋikiru. 22:5

Apotu ikes ikikaloikis iyoŋ, ido ibu iyoŋ toiu ikes; apotu ikes ikikinyoma iyoŋ, ido aponi nyisirumi ikes ŋileec.

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Ŋirom. 9:33

Amoru ŋin iŋes ŋina irworo Akuj alotooma Ŋakigireta ebe, “Kiŋolikisi, ewuakini ayoŋ neni a Sion amoru ŋina iguwanakini ŋituŋa, ataaba ŋina ibusonokini ikes. Nai ituŋanan ŋini enupi neni ka Akuj, nyirumete ŋileec jik.”

1 Pet. 2:6

Anerae ebasi Ŋakigireta ebala Akuj, “Topupokisi! Ewuak ayoŋ amoru tooma Sion, amoru ŋina itogogoŋit akai alokoona, ŋina eseunitae, ŋina epol egyelit. Iŋes ŋini enupi iŋes, nyisurumyo ŋileec.”