Ŋikiru. 7:8 - Ebaibul

⁸ Erae Ekapolon etubokini ŋituŋa; okoe Ekapolon totubokinae ayoŋ alopite a ŋolo ka akiyookino kaŋ ka alopite a ŋolo emamukar aronis etiyat ayoŋ.

Ŋikiru. 7:8 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

Akisy. 31:53

Elipi ayoŋ Akuj ŋina ka Aburaam ka Naor, Akuj ŋina a papa kec totub ŋakiro yok.” Apotu ŋakiro ŋun kisikoŋo Yakob anakerit Papa keŋ Isaka.

2 Ŋakiro a ŋirwa 20:12

Okoe Akuj kosi! Kisican ikes, anerae nyikipedori isua akitijiore ŋasigarya ŋuna alalak nooi ŋun, ŋuna eponito akitijiore isua. Nyikiyeni isua ŋuna kitiyakina, nai ikigeno isua neni kon.”

Ŋikiru. 11:4

Eyai Ekapolon kai keŋ ŋina asegan, ipukat Ekapolon anakuj. Ite iŋes ŋituŋa aneni daadaŋ eya, eyeni ŋakiro ŋuna itiyaete ikes.

Ŋikiru. 25:21

Elipi ayoŋ okoiu ajokis kaŋ ka akiyookino kaŋ, anerae ekegeno ayoŋ iyoŋ.

Ŋikiru. 26:1

Okoe Ekapolon, tolimu atemar nyasecit ayoŋ, anerae eboi ayoŋ emam ŋuna eketoronitere anakiyar kaŋ, ekinyom ayoŋ Ekapolon ŋinapei emam akiryaŋiryaŋa.

Ŋikiru. 26:11

Nai ani eruwor ayoŋ, etiyae ŋuna iyookino; tolakunae ayoŋ, kisyoni ayoŋ.

Ŋikiru. 41:12

Ikiŋarakinit iyoŋ ayoŋ aŋuna ka akiyookino kaŋ, ikiwuakinit iyoŋ ayoŋ ŋikaru ŋikaru neni ilipyata ŋituŋa.

Ŋikiru. 43:1

Okoe Akuj, kituruworoe ayoŋ ŋolo eyookino, toiunae ayoŋ alotuŋa a ŋulu nyikinupito iyoŋ; toiunae ayoŋ alotuŋa a ŋulu alyokonok ka ŋulu aronok.

Ŋikiru. 78:72

Abu Daudi topolok ŋituŋa ŋul, ke etau a ŋolo arimaanan, torik ikes alotooma apiiryanut.

Ŋikiru. 82:1

Eboikin Akuj nakibois keŋ kaapei ka atukot ŋina a ŋisubuna a ŋulu anakuj ikwapei ekatubon ŋakiro, etubonokini iŋes anatukot a ŋisubuna a ŋulu eya nakuj.

Ŋikiru. 9:8

Etubokini iŋes ŋituŋa anakiyookino; ipukae iŋes ŋituŋa anakiyookino.

Ŋikiru. 96:13

alokiŋaren Ekapolon, anerae ebuni iŋes atubokin ŋituŋa. Etubokini iŋes akwap anakiyookino ka etubokini iŋes ŋituŋa alotooma ŋuna a kire.

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Ŋakit. 19:1

Ejok araakau ŋini ijok ŋini irworo ŋuna a kire, akilo araakau ŋini ibaŋaana ŋini irworo alyokonu.

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

1 Ŋites. 2:10

Iraakasi iyes ŋisuudae kosi, Akuj daŋ erae, iŋes atemar arae ŋipitesyo kosi ŋulu ajokak nooi, ŋulu eyookino ka ŋulu amam adyakaret adio aneni kus a ŋulu inupito.