Ŋikiru. 7:3 - Ebaibul

³ Okoe Ekapolon Akuj kaŋ, ani ketiyat ŋakiro nu: Ani ketiyat ŋuna aronok a ŋakan kaŋ,

Ŋikiru. 7:3 Iomraidhean Croise

Yob 11:14

Ani kitiyat iyoŋ a ŋakan asecit, kikoŋo asecit ŋin, ido nyicamak aronis itiyao aloeema kon.

Ŋikiru. 22:12

Ekerimokinito ayoŋ ŋimoe ŋulu alalak; ekerimokinito ayoŋ ŋimoe ŋulu agogoŋok, ŋulu ikote egogoŋ ŋimaaniko ŋulu a Basan.

Ŋikiru. 22:20

Toiu akiyar kaŋ alomoe kaŋ, toiu akiyar kaŋ ŋina amina ayoŋ aloŋokwo a ŋul,

Ŋikiru. 59:3

Kiŋolik iyok epite ŋolo idasitotor akadapito ayoŋ! Okoe Ekapolon ariwo ŋituŋa ŋulu adedeŋak ekemanito ayoŋ, tomam bo ŋuna aronok ŋuna etiyat ayoŋ, kori asecit.

Ŋikiru. 66:18

Ani kerae sek emunonite ayoŋ asecit alotau kaŋ, pa kepupokinit Ekapolon ŋakiro kaŋ;

Yos. 22:22

“Akuj ŋina Etiron, Ekapolon! Akuj ŋina Etiron, Ekapolon! Iŋes bon eyeni ŋuna ikiinakis isua akitiya nu ka emaikina Ŋisirael daŋ toyenut ŋunapei ŋun. Ani kikiŋerit isua Ekapolon, kimyekinitae akiwuap ŋakiro keŋ, tomunyarae isua nakoloŋit na!

1 Sam. 20:8

Aŋun, kitiya ŋuna ka arimao neni kaŋ a eketiyan kon, idau iyoŋ alokiŋaren Ekapolon acamun ka ayoŋ eketiyan kon. Ani kasecit ayoŋ, toarae iyoŋ ayoŋ; kaanukiro ikirikorya iyoŋ ayoŋ neni a papa kon?”

1 Sam. 22:13

Kiŋit Saul iŋes tema, “Kaanukiro itukitor iyoŋ akiar ayoŋ, iyoŋ kaapei ka lokoku a Yese? Kaanukiro iinakinia iyoŋ iŋes ŋamugati ka ekileŋ, ido ibu iyoŋ kiŋit Ekapolon ŋakiro ŋuna emaikina Daudi kitiya? Aŋun, akaremokin iŋes ayoŋ, ido iwarit epite ŋolo akaarya ayoŋ, itiyae iŋes ŋun tari nakoloŋit na.”

1 Sam. 22:8

Ŋakiro ŋun mono iŋes itukotor iyes aŋuna kaŋ a? Mam ipei daŋ kus ŋini akalimoki ayoŋ atemar acamunosi lokoku kaŋ ka lokoku a Yese, mam ipei daŋ kus ŋini akamina ayoŋ, kori ŋini akalimoki ayoŋ atemar ecoco lokoku kaŋ eketiyan kaŋ Daudi akiman ayoŋ, ido iwarit epite ŋolo akaarya ayoŋ, itiyae iŋes ŋun tari nakoloŋit na.”

1 Sam. 24:11

Kiŋolik iyoŋ papa, ecileta lo ŋolo a ekaaso kon, atiŋit ayoŋ. Abu ayoŋ otub ecileta a ekaaso kon, nai abu nyakaar iyoŋ. Totamatama mono iyoŋ, ido toyenu atemar nyatami ayoŋ akitiya ŋadi ŋuna aronok, kori aremokin iyoŋ. Mam aronis etiya ayoŋ neni kon, nai ikiwarit iyoŋ ayoŋ akiar.

1 Sam. 24:9

Tolimok Daudi Saul tema, “Kaanukiro inupya iyoŋ ŋakiro a ŋituŋa a ŋulu ebasi, ‘Ecamit Daudi akiar iyoŋ?’