Ŋikiru. 7:12 - Ebaibul

¹² Ani pa keki ituŋanan, ipenari Akuj ekileŋ keŋ; irikini iŋes akau a ŋikaleŋeleŋe keŋ ecamit akigum.

Ŋikiru. 7:12 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

Ŋikiru. 129:4

Nai erae Ekapolon ŋolo iyookino akalacaki ayoŋ anapitoonut.”

Ŋikiru. 85:4

Torimakinae isua, okoe Akuj ŋina irae akaiunan kosi; tojoŋo aŋoikinit isua.

Ŋikiru. 9:5

Idau iyoŋ akitoŋooiyar ŋituŋa a ŋakwapin ka idau amunyar ŋulu aronok; ituruwo iyoŋ ikes ŋulu nyetamunio ŋikaru ka ŋikaru.

Isa. 27:1

Akoloŋit ŋin isitiyae Ekapolon ananyunyura ekileŋ keŋ ŋolo apolon ka ŋolo agogoŋon akisicania etyaŋ ŋolo enyaritae Lepiasan, emun ŋolo ekeri edokinit, Lepiasan emun ŋolo ilugulugo, ido eari Ekapolon etyaŋ ŋolo adedeŋan ŋolo iboi ananam.

Isa. 34:5

Kedau Ekapolon amunyar ŋiboro ŋulu alokidiama, kiŋolik atemar etemokin, kiirasi, etiyaun iŋes Edom, neni a ŋituŋa a ŋulu adau Ekapolon atubokin atemar tomunyarae.

Esek. 18:30

“Aŋun, okoe Ŋisirael, akatubokini ayoŋ iyes daadaŋ anakiro a ŋuna iwuapito iyes. Tokiwa! Toŋero aronis daadaŋ ŋina itiyaete iyes, ani kemam ikimunyari iyes asecit.

Esek. 21:23

Nai aneni a ŋituŋa a Yerusalem, iirarete ikes ŋakiro ŋun esibit akidwar ŋina ka alyokonu aneni a ituŋanan a ŋini adau akikoŋ akiboi ka ikes emam ŋace, einakini erwosit a Babilon ŋituŋa a Yerusalem atamun aronis ŋina etiyata ikes, ido erikori ikes nakwap keŋ.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Mat. 3:10

Edikino aep iteli ŋikito anataagor; ekitoe daadaŋ ŋolo nyeraii ŋaraito ŋuna ajokak, itelunio tocakakinae nakim.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋikis. 32:41

ani epenari ayoŋ ekileŋ kaŋ ŋolo imilya, otubok ŋituŋa, enyaŋi ayoŋ ŋakiro a ŋimoe kaŋ, ido esican ŋulu akaremokino ayoŋ.