Ŋikiru. 68:7 - Ebaibul

⁷ Okoe Akuj, ŋinibore ibunio iyoŋ kiŋarenik ŋituŋa kon, ŋinibore ibunio iyoŋ kitoryo kidiŋ aloŋisat,

Ŋikiru. 68:7 Iomraidhean Croise

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Ŋikiru. 146:7

Etubonokini iŋes itojokit ŋulu isicanitae koŋin, einanakini akimuj neni a ŋulu enyamit akoro. Elacanakini Ekapolon ŋimabus,

Awos. 13:21

Ani elosete Ŋisirael naparan, eŋarenikinit Ekapolon ikes esibit adis eyai kiŋaren kec itoodikinit ikes nenikitoro. Ani nakwaare, eŋarenikinit Ekapolon ikes esibit arira itoodikinit ikes nenikitoro, ikotere ikes epedorete alosit naparan ka nakwaare.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Mika 2:13

Eŋaari Akuj erot aŋuna kec, ido toriku ikes anakwapin a ŋuna eya ikes erae ŋirikon, elomarete ikes alopukei a ŋitaunio a ŋulu eya erae ŋirikon, toloto emam ituŋanan iretakinit. Erikori ikes Ekapolon Erwosit kec apaki ŋina elomaryata.”

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikat. 4:14

Tolimok Debora Barak tema, “Ape, anerae erae na akoloŋit ŋina ipotokinio Ekapolon Sisera napedor kon. Kire jik, ikiŋarenikini iyoŋ Ekapolon.” Aŋun abu Barak totiyaun alomoru Tabor ka ŋikilyok ŋulu ajiok ŋalipyo ŋatomon ŋulu ewuapito iŋes.

Ŋikat. 5:4

Ekapolon, apaki ŋina irotokinio iyoŋ alomoru Seir, apaki ŋina ilomarya iyoŋ anakwap a Edom, abu akwap tomaranik, tobukun ŋakipi alokidiama, apotu kire ŋidouwon tobukut ŋakipi.