Ŋikiru. 68:6 - Ebaibul

⁶ Akuj iŋes einanakini ŋulu esilikinit ŋituŋa; elacakini ŋulu eenitae toryamut akiyar ŋina ajokan, nai ŋulu eŋerito Akuj, itolomi Akuj ikes neni erae ŋalaro.

Ŋikiru. 68:6 Iomraidhean Croise

Ŋikiru. 10:14

Nai ite iyoŋ! Kire iyeni iyoŋ ŋican ka aryeba a ŋituŋa, ido itenit iyoŋ aŋuna ka akiŋarakin, einakina ŋulu epalag neni kon, iyoŋ iŋarakini ŋikokyok a ŋinapaki.

Ŋikiru. 107:10

Apotu ŋice kiboiyoto anakiryonut ka anakiyaloloŋ, arae ŋul ŋimabus ŋulu aenen a ŋiriko, ŋimabus ŋulu aya locan,

Ŋikiru. 107:14

Abu yau ikes anakiryonut ka anakiyaloloŋ a ŋina apolon nooi a ŋin toŋedeŋedaa ŋiriko ŋulu aenitere ikes.

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Ŋikiru. 113:9

Einakini ŋidwe neni ka aberu a ŋina emam ŋidwe einakini iŋes aruwor aberu ŋina elakara aŋuna a ŋidwe. Kipuroe Ekapolon!

Ŋikiru. 146:7

Etubonokini iŋes itojokit ŋulu isicanitae koŋin, einanakini akimuj neni a ŋulu enyamit akoro. Elacanakini Ekapolon ŋimabus,

Ŋikiru. 69:33

anerae epupi Ekapolon ŋulu eyakatar akiitanit, ido nyejamuwarit iŋes ŋituŋa keŋ ŋulu ikamanaritae.

Ŋakit. 23:11

anerae egogoŋ Ekapolon ŋolo erae ekeŋarakiniton kec; ikisitakini iyoŋ Ekapolon aŋuna kec.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Osea 2:3

Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Mal. 1:3

ido oŋer Esau; adau ayoŋ akituruwor akwap keŋ ŋina a ŋikamukumukui ŋireŋoroto ka aloŋisat ŋina iboiyoto ŋikweei.

Ŋitic. 16:26

Ŋinapeipaki, tomaranik akwap nooi, kiukok ejera ameun alokwap. Atipei toŋaaros ŋikekya daadaŋ, tolacaros ŋiriko aneni a ŋimabus a daadaŋ.

Ŋigal. 4:27

Anerae ebasi Ŋakigireta ebe, “Tolakari iyoŋ aberu ŋina ikolupana! Tocelu ka kiworok ka alelyan, iyoŋ ŋina nyeanyuna aryeba ŋina ka akidoun! Anerae eryamuni aberu ŋina abu lokile keŋ toesik ŋidwe ŋulu alalak, akilo aberu ŋina eyakar ekile!”

Ŋikis. 10:18

Akuj ŋina etubi ŋakiro anakiyookino aŋuna a ikoki ka aŋuna ka apuserut, ŋina emina ŋituŋa ŋulugelae einanakini ikes akimuj ka ŋilowi.

1 Sam. 2:5

Ilejilejete tokona akimuj ŋituŋa ŋulu paaran ayakatar akimuj, nai nyeriŋa akoro enyamit ŋulu anyamit akoro, adau aberu ŋina amamu ŋidwe auruun ŋidwe ŋikanikaarei, nai aberu ŋina sek ayakar ŋidwe ŋulu alalak, mam ipei daŋ idoŋit.