Ŋikiru. 68:30 - Ebaibul

³⁰ Kiŋenyak ŋituŋa a Ijipit ŋulu ikwaan ka ŋityaŋ ŋulu adedeŋak ŋulu iboiyete anasasak; ŋulu ikwaan ka esipan a ŋimoŋin; ka kiŋenyak ŋulu eyarikinito neni a Ijipit, akitodol ŋina itiditeunotor ikes yaut esilipa kec neni kon. Kielielaa ŋituŋa ŋulu eminasi ejie.

Ŋikiru. 68:30 Iomraidhean Croise

2 Ŋakiro a ŋirwa 9:14

pa imarakinitae ŋolo aryamununui iŋes aneni a ŋimucurus ikwapei ocur ka aneni a ŋirwosi a daadaŋ a ŋulu ka Arabia, ayaununeete ŋikapolok anakwap a Solomon egolid ka esilipa neni a Solomon.

2 Ŋakiro a ŋirwa 9:24

Ayaununui ŋinituŋanan abuni aanyun Solomon ŋiboro ŋulu arae ŋainakineta ŋulu etiyaunitae a esilipa ka a egolid. Ayaununeete ikes: Ŋilowi, ŋiboro ŋulujiet, ŋikito ŋulu ekukuny, ŋaŋolei ka ŋaŋolei-sigirya. Ayaununuyo ŋul elalak a ŋolokaru.

Yob 40:21

Eperi iŋes anamon a ŋuna a ŋikukwa, eperi iŋes alowot ka anasasaka a ŋijomya.

Ŋikiru. 120:7

Amina ayoŋ ekisil, nai ani erworikini ayoŋ ŋuna ke ekisil, ecamito ikes ejie.

Ŋikiru. 18:44

Apotu ŋituŋa ŋulugelae potu toryediko alokiŋaren kaŋ; apaki ŋinapei eiraryata ŋakiro kaŋ, apotu kiwuapa ŋakiro kaŋ.

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Ŋikiru. 72:10

Emaikina inakis ŋirwosi ŋulu a Tarisis ka ŋulu a ŋiculeta iŋes ocur, emaikina yaut neni keŋ ŋirwosi a Ceba ka Seba ŋainakineta.

Ŋikiru. 89:10

Ibu iyoŋ kinyaadiya Raab, ikwa esubuna ŋolo etwanit; idau iyoŋ akielar ŋimoe kon a apedor kon a ŋina etiron.

Isa. 34:7

Earyo ikes kaapei ka ŋimoŋin ŋulu adedeŋak ka earyo a nen ŋitak ŋulumaaniko ka ŋimaaniko ŋulu apolok nooi. Isiinaunete ŋaokot kec ŋalup kec ka eruwor ŋalup kec ŋuna ataronok aŋuna a ŋasepwa.

Yer. 50:11

“Okoe ŋikaŋatarak ŋiboro a ŋituŋa kaŋ, tari kilakara iyes, tari kilelyanete iyes, tari kitopolooro iyes, tari kicurosi iyes ikwa ŋatak alonya, tari kicelasi isibito ŋaŋolei,

Esek. 29:3

Tolimok iŋes atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ Parao erwosit ŋolo a Ijipit, iyoŋ epiu ŋolo iletete anakipi a ŋuna a ŋakitelesyo,’ ibala iyoŋ, ‘Aŋolol kaŋ Nile, erae ŋina kaŋ a elope; ayoŋ abu etiyau iŋes aŋuna kaŋ.’

Sakar 8:22

Epote Yerusalem ŋituŋa ŋulu alalak ka ŋakwapin ŋuna agogoŋok alojiesyo. Epote ikes akilip Ekapolon ŋolo Etiron ka akilipun ŋarereŋisyo aneni keŋ.

Ŋirom. 7:22

Elakara ekaatau nooi aŋuna a Ŋikisila a ŋulu eponito aneni ka Akuj.

Yak. 4:1

Ai itorunito ŋijiyesyo ka ŋiburasinei alokidiŋ kus? Itorunito lokibure ŋolo aronon ŋolo eji alotooma kus.