Ŋikiru. 63:3 - Ebaibul

³ anerae ejok nooi amina kon ŋina nyiryaŋiryaŋa, iloit akiyar, aŋun, ekepuri ayoŋ iyoŋ.

Ŋikiru. 63:3 Iomraidhean Croise

Ŋikiru. 21:6

Iinak iyoŋ iŋes ŋarereŋisyo ŋuna a ŋikaru ka ŋikaru; ituruwo iyoŋ iŋes ŋolo elelyani aŋuna irukitotor iyoŋ ka iŋes,

Ŋikiru. 30:12

aŋun, nyeliliŋi ayoŋ, aeikini ekipur neni kon. Okoe Ekapolon Akuj kaŋ, arubakini ayoŋ alakara neni kon ŋikaru ka ŋikaru.

Ŋikiru. 30:5

Nyeai iŋes apaki ŋina aoyan eŋoit, nai erubakini ajokis keŋ aneni a ituŋanan ŋirwa daadaŋ ŋulu ka akiyar a ituŋanan a ŋin, tari daŋ kegwor ayoŋ akuwar kya, aryamuni ayoŋ alelyanu taparacu.

Ŋikiru. 4:6

Elalak ŋulu ebasi, “Okoe Ekapolon, inakinae isua ŋarereŋisyo ŋuna alalak, Okoe Ekapolon, torimaaniar aneni kosi.”

Ŋikiru. 42:2

Ekeitanit ayoŋ iyoŋ Akuj, ekeitanit ayoŋ iyoŋ nooi Akuj ŋina iyari; ori alosyo ayoŋ akilip neni kon aneni iyai iyoŋ Akuj.

Ŋikiru. 51:15

Okoe Ekapolon, toŋaa ŋipon kaŋ, ikotere esera ayoŋ ŋakiro ŋuna ka akipuro iyoŋ.

Ŋikiru. 66:17

Abu ayoŋ ekalou neni keŋ acela, ido abu akituk kaŋ kipur iŋes.

Ŋikiru. 68:25

Eyakasi ŋikaeok kiŋaren, toyakas ŋikaramak ŋiboro ŋulu eore kaku, kidiŋ kec, eyakasi ŋapesur ŋuna eramete ŋiburin, ebasi,

Ŋikiru. 69:16

Okoe Ekapolon, toboŋokinoe ayoŋ, anerae ejok amina kon ŋina nyiryaŋiryaŋa; alotooma akisyon kon ŋina apolon nooi, kiŋarakinae ayoŋ.

Ŋikiru. 96:6

Erae iŋes ŋolo itopolooritae ka eiliili apolou keŋ nooi; eyakasi nakibois keŋ ŋina asegan agogoŋu ka akibuses.

Awos. 33:18

Tema Moses, “Ekelipit ayoŋ iyoŋ, kitoodikinae ayoŋ akica kon.”

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 6:19

(Erworo ayoŋ alopite a ŋolo irworotor ŋituŋa ikotere epataniar iyes ayenun ŋakiro kaŋ, anerae ipalag iyes anatameta.) Koloŋ sek ipotu iyes tojala ŋawat kus toruworos ŋipi ŋulu a ŋuna nyesegak ka ŋuna aronok aŋuna ka akitiya ŋuna nyiyookino alokiŋaren Akuj. Ikwaŋinapei, itemokino tokona iyes tojala ŋawat kus toruworos ŋipi ŋulu ka akiyookino, kitiyata ŋuna ka akiyookino alokiŋaren Akuj.

1 Ŋikor. 6:20

Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.

Ŋipil. 1:23

Nyayeni ayoŋ ewae ŋolo aseuni. Ekeburit ayoŋ aesikin akiyar na, ido oruko ka Kristo, anerae ejok nooi arukit ka Kristo;

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.