Ŋikiru. 62:12 - Ebaibul

¹² ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Ŋikiru. 62:12 Iomraidhean Croise

1 Ŋakiro a ŋirwa 29:12

Neni kon eponitotor ebari ka apolou; iyoŋ ipukat ŋinibore daadaŋ. Nakan kon eyakasi agogoŋu ka apedor, akitopoloor ka ainakin agogoŋu neni a daadaŋ.

Yob 33:14

Epedori Akuj alimun ŋakiro alorot a ŋolo esyaunan ka a ŋolo a ŋiarei tari kemam ituŋanan ecamit ayenun ŋuna irworo iŋes.

Yob 34:11

anerae eropi Akuj ŋituŋa lopite ŋolo itiyatotor ikes ka itiyakin neni a ŋituŋa ŋakiro ŋunapei sek iwuapito ikes.

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Yob 9:19

Ani katema ayoŋ akisinda ka Akuj anagogoŋu kaŋ, iŋes eruwor ŋina egogoŋ; ani kerae aŋuna ka akiyookino, ŋae akanyarakini ayoŋ Akuj?

Ŋikiru. 103:17

Nai ani eruwor ŋulu itopoloorito Ekapolon, erubakini aneni kec amina ŋina ke Ekapolon ŋina nyiryaŋiryaŋa ŋikaru ka ŋikaru. Erubakini akiyookino ŋina ke Ekapolon aneni a ŋipapae kec ŋanyameta daadaŋ,

Ŋikiru. 103:8

Isyoniono Ekapolon ka erimaana nyepatana iŋes akiŋo, epol amina keŋ ŋina nyiryaŋiryaŋa.

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Ŋikiru. 86:5

Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Ŋakit. 24:12

Ani kitemasi iyes ebe, “Kiirasi, pa ayenio isua ŋakiro ŋun,” eyeni Akuj ŋuna iyakatar iyes lotai kus, eyeni Akuj ŋina iyokit akiyar kus ŋakiro ŋun, eropi iŋes ŋinituŋanan alopite a ŋolo itiyator ŋinituŋanan.

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Esek. 18:30

“Aŋun, okoe Ŋisirael, akatubokini ayoŋ iyes daadaŋ anakiro a ŋuna iwuapito iyes. Tokiwa! Toŋero aronis daadaŋ ŋina itiyaete iyes, ani kemam ikimunyari iyes asecit.

Esek. 33:20

Nai ibasi iyes, ‘Nyiyookino akiwuapit ŋuna ebala Ekapolon.’ Okoe Ŋisirael, akatubokini ayoŋ iyes daadaŋ anakiro aŋuna iwuapito iyes!”

Esek. 7:27

Ikalouni erwosit kus, edaun akigeno aneni alokoku a erwosit, emaranikinete aŋuna ka akuryanu a ŋituŋa a akwap kus. Ekesicani ayoŋ iyes lopite ŋolo itiyatotor iyes; akatubokini ayoŋ iyes lopite ŋolo itubonokiniata iyes ŋuluce. Ŋun nai iyenuniata iyes atemar arae ayoŋ Ekapolon.’ ”

Dan. 9:18

Okoe Akuj kaŋ, kiirarae ayoŋ, kiŋoliu, ido kiŋolik ekasile ŋolo ayakaun lotaun ŋolo eyai ekiro kon. Nyikilipi isua neni kon aŋuna ikitamia atemar ikirae ŋulu ikiyookino, nai erae aŋuna ikiyenia atemar irae iyoŋ ŋina elal nooi akisyon.

Dan. 9:9

“Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Ŋirom. 2:6

Akoloŋit ŋin, eropi Akuj ŋinituŋanan lopite ŋolo itiyator iŋes.

1 Ŋikor. 3:8

Ikwaan ituŋanan ŋini edupi ka ŋini ebuki ŋakipi ka eryamuni ŋinituŋanan aneni ka Akuj eropit lotyae ŋolo ke etic keŋ.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋiep. 6:8

Toyenete atemar eropi Ekapolon ŋinituŋanan, kerae epito kori ŋini nyerae epito, aŋuna ke etic a ŋolo ajokan a ŋolo itiyae iŋes.

Ŋikol. 3:25

Ŋini daadaŋ itiyae aronis, isicanio emam atyakatyak aŋuna a ŋakiro a ŋuna aronok a ŋuna itiyae iŋes.

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.

Akis. 22:12

Ebala Yesu ebe, “Kiirasi, abuni ayoŋ atipei! Ayauni ayoŋ ŋiropito kaŋ, oinak ŋinituŋanan ikwa itiyator.