Ŋikiru. 62:10 - Ebaibul

¹⁰ Nyiwuakis akikinyoma kus naryenyeo, kori nyigenosi atemar ikibari anakoko; tari daŋ kiyatanakin ebari kus, nyiwuakis ŋitai kus loboro ŋul.

Ŋikiru. 62:10 Iomraidhean Croise

Yob 20:19

anerae apotu ikes kisicana ka toesikis ŋikulyak, apotu ikes kikamasi ŋakais ŋuna pa adukito.

Yob 20:29

Erae ŋun ŋuna eryamunete ŋikaronok aneni ka Akuj, erae ŋun aryamunet ŋina etubunit Akuj aŋuna kec.”

Ŋikiru. 39:6

Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Ŋikiru. 4:3

Toyenutu atemar adau Ekapolon asetar nawae ŋulu ikinyomito iŋes aŋuna ka aruwor ŋulu keŋ; iirari Ekapolon ŋakiro kaŋ apaki ŋina anyaraa ayoŋ iŋes.

Ŋikiru. 49:6

ŋulu ikinyomito ebari kec, ido kituros aŋuna ka alalau ke ebari kec?

Ŋikiru. 52:7

“Kiŋolikisi ituŋanan ŋini abu nyikinyom neni ka Akuj, nai abu kikinyom ebari keŋ ŋolo alalan, ido abu iŋes tobarak nakiar ŋuluce.”

Ŋikiru. 91:14

Ebala Ekapolon, “Ikes ŋulu akaminasi ayoŋ, aiuni ayoŋ ikes; euryari ayoŋ ŋulu eminasi ekiro kaŋ.

Ŋakit. 23:5

Epedori ebari kon apuripuryaar ite iyoŋ, epuripuryaar atipei esibit kepena ŋabebenuk ŋuna epororya ikwa egole.

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 30:12

Aŋun, irworo Akuj a Isirael ŋina asegan ŋakiro nu, “Aŋuna iŋeryoto iyes ŋakiro kaŋ, ido ikinyoma nakisican ŋuluce ka namodiyo ka iyarikis nakisican ŋuluce ka namodiyo,

Isa. 40:15

Aneni ke Ekapolon, ikote ŋakwapin akilimasit a akiru apei; iteo ikes ikwaan ka apuwa ŋina nyinuwari akilo; kiirasi, ikwaan aneni keŋ ŋiculeta ka apuwa.

Isa. 40:17

Erae ŋakwapin daadaŋ ŋakoŋinae alokiŋaren Ekapolon, aneni keŋ erae ikes daadaŋ ŋakoŋinae, mam ibore eyai tooma kec.

Isa. 47:10

Ibu iyoŋ kitusubun anaronis kon ŋina iboi emam awasya; ibu iyoŋ tema, ‘Mam ituŋanan ekete ayoŋ.’ Apotu aosou kon ka apiiryanut kon ikitooliyosi iyoŋ, ido ibu iyoŋ totamak alotau kon ebe, ‘Ayai ayoŋ ikikwaan ka Akuj, emam ice ituŋanan ekete ayoŋ mati ayoŋ bon.’

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Yer. 13:25

Erae ŋun ŋakiro ŋuna itiyakin neni kus anerae ekemuryak ayoŋ iyes, ido igyenokinosi amodiyo.

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Mar. 10:23

Toŋoleŋolek Yesu, tolimok ŋikasyomak keŋ tema, “Kitotyon ŋikabarak alomar Napukan ka Akuj!”

1 Tim. 6:10

Anerae amina ŋisiliŋa iŋes erae akisyakinet ŋina a ŋakiro a ŋuna aronok a daadaŋ. Erae ekibure ŋol iŋes etooliyo ŋice ananupit kec ka etalalata ŋican ŋulu ka akiyaloloŋ alotai kec.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.