Ŋikiru. 60:3 - Ebaibul

³ Iteryamu iyoŋ ŋituŋa kon ŋican ŋulu atyonok; ikiinak iyoŋ isua akiteritero esibit ikirae ŋikamerak.

Ŋikiru. 60:3 Iomraidhean Croise

Neem. 9:32

“Aŋun nai, Akuj kosi, Akuj ŋina ka apedor, ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa, nyijamak ŋatyokisyo ŋuna apotu neni kosi, neni a ŋirwosi kosi, neni a ŋikepukak kosi, neni a ŋisacaradotin kosi, neni a ŋikadwarak kosi ka neni atapapaa kosi, neni a ŋituŋa kon a daadaŋ ameun anapaki a ŋina a ŋirwosi a ŋulu ka Asiriya akitodol nakoloŋit na.

Ŋikiru. 71:20

Ikisiŋolik iyoŋ ayoŋ ŋican ŋulu alalak ŋulu apipilak; ikisimukekini iyoŋ ayoŋ nabo; ikiuryari iyoŋ ayoŋ ikotere nyatwana.

Ŋikiru. 75:8

Eŋoit Ekapolon, eŋoit iŋes nooi, eakik iŋes anyunyura keŋ neni a ŋulu aronok; esunyuak iŋes aŋoit keŋ daadaŋ neni kec.

Ŋikiru. 80:4

Okoe Ekapolon Akuj ŋina a ŋajoresyo, apaki ŋina etya ai irubakinia iyoŋ iŋoit iwounit aboŋokin ŋakilipeta a ŋituŋa kon?

Ŋikiru. 80:8

Ibu iyoŋ yau Ŋisirael alo Ijipit; Ibu iyoŋ kirita ŋituŋa a ŋakwapin, ido kiwuak Ŋisirael nen.

Ŋikiru. 85:5

Irubakini mono iyoŋ ikiŋoikinit isua ŋikaru ka ŋikaru a? Iturubakini mono iyoŋ aŋoit kon ananyameta a daadaŋ a?

Ŋikiru. 89:39

Iŋer iyoŋ acamunet kon ka erwosit kon, ilema iyoŋ apolou aneni keŋ.

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 51:22

Alimu Ekapolon kus ŋolo etiron, Akuj kus ŋina eji aŋuna ka aiun ŋituŋa keŋ ebe, “Kiirasi, alema ayoŋ aneni kus ŋican ŋulu ikisiteriterete iyes, nyekesicani nabo ayoŋ iyes ananyunyura kaŋ.

Yer. 25:15

Abu Ekapolon Akuj a Ŋisirael okolimok ayoŋ tema, “Tolema anakan kaŋ ekopo lo ŋolo ileleba epiini ŋolo ka anyunyura kaŋ, inak ŋituŋa a ŋakwapin a daadaŋ a ŋuna ekeyakiyari ayoŋ iyoŋ neni kec tomata epiini ŋol.

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Dan. 9:12

Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Abak. 2:16

Iyes daŋ ekaku, ikiboŋokinete ŋileec akilo akitopolooro. Imasete iyes ŋikulepek ŋun kiteritereonor. Ikitamasi Ekapolon iyes aronis kus a ŋikulepek, ido kilocokinoe akitopolooro kus make toruworos ŋicaryo.

Akis. 16:19

Totyaka akwap, totyaka etaun ŋolo apolon ŋatyaket ŋauni, kinyasun ŋitaunio ŋulu apolok ŋulu a ŋakwapin a daadaŋ. Abu Akuj totamu Babilon ŋolo apolon nooi ka kitamat iŋes epiini ŋolo ke ekopo keŋ, epiini ŋolo ka anyunyura keŋ.

Akis. 18:16

temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Anapenene sek iŋes ŋilowi ŋulu amilimilak, ŋulu kipura-areŋak ka ŋulu areŋak, kisibusite akuwan keŋ a ninapen a ŋulu etiyaunitae a egolid, a ŋamoru a ŋuna epol egyelit ka ŋakamilimili!”